ഓർക്കിഡ് തന്നെ ഒന്നാം നമ്പർ

എക്കാലവും വിപണിയുള്ള പൂച്ചെടിയിനം

- 

നാട്ടിലും വിദേശത്തും ഏറെക്കാലം അധ്യാപികയാ യിരുന്ന ജയന്തിടീച്ചർക്ക് അധ്യാപനം പോലെ തന്നെ പ്രിയങ്കരമാണ് കവിതയെഴുത്തും പൂച്ചെടികളും. ഇടുക്കി ജില്ലയിലെ തൊടുപുഴ ഏഴല്ലൂർ സ്വദേശിയായ ജയന്തിടീച്ചർ വിദേശം വിട്ടു നാട്ടിലെത്തിയപ്പോൾ ആദ്യം തന്നെ ഒരു കവിതാസമാഹാരം പുറത്തിറക്കി, ഒപ്പം, തൊടുപുഴ വെങ്ങല്ലൂരിൽ നെല്ലി ഓർക്കിഡ്സ് എന്ന പേരിൽ ഉദ്യാനസംരംഭവും തുടങ്ങി. പൂച്ചെടികളെല്ലാം പ്രിയപ്പെട്ടതെങ്കിലും ഏറ്റവും പ്രിയം ഓർക്കിഡ് തന്നെയെന്നു ടീച്ചർ. ഓർക്കിഡിനു തുല്യം മൂല്യമുള്ള മറ്റൊരിനം ഇല്ലെന്നതുതന്നെ കാരണം. എൺപതുകളിൽ കേരളത്തിൽ പ്രചാരം നേടിത്തുടങ്ങിയ ഓർക്കിഡിന്റെ താരപദവി ഇന്നും മാറ്റമില്ലാതെ തുടരുന്നുണ്ട്. വിലയിലും വിപണിയിലുമുള്ള ഈ സ്ഥിരത തന്നെയാണ് ഒരു സംരംഭം എന്ന നിലയിൽ ഓർക്കിഡിലേക്ക് ഒട്ടേറെപ്പേരെ ആകർഷിക്കുന്ന ഘടകവും.