പുനരുപയോഗിക്കാം പന്നിഫാമിലെ മലിനജലം

പരിസര മലിനീകരണം ഒഴിവാക്കാൻ കർഷകർക്ക് അനുയോജ്യമായ മാതൃക

- ഡോ. എം.പി.ഉണ്ണികൃഷ്ണൻ, ഡോ. എം.മനോജ്, ഡോ. എസ്.ഹരികുമാർ, ഡോ. എ.പി.ഉഷ

 പന്നിഫാമുകളിലെ മലിനജലം സമീപവാസികളുടെ  പേടിസ്വപ്നമാണ്.  കുടിവെള്ള സ്രോതസ്സുകൾ മലിനമാകുമോയെന്നാണ് ആശങ്ക. പന്നിഫാമുകളിലെ മലിനജലം ഒഴുക്കികളയാതെ പുനരുപയോഗം സാധ്യമായാൽ ഈ പേടി മാറ്റാം. ജലദൗർലഭ്യം ഫലപ്രദമായി നേരിടാനും കഴിയും. ഇവിടെയാണ് പന്നിഫാമിൽ മലിനജല സംസ്കരണ പ്ലാന്റ് എന്ന ആശയത്തിനു പ്രസക്തി. മണ്ണുത്തി വെറ്ററിനറി കോളജിലെ സെന്റർ ഫോർ പിഗ് പ്രൊഡക്ഷൻ ആൻഡ് റിസർച്ചിൽ പുതുതായി രൂപീകരിച്ച സംസ്കരണ പ്ലാന്റ് ഈ വഴിക്കൊരു പരിശ്രമമാണ്.