ഹോ, എന്തൊരു ചൂട്

കൃഷിവിചാരം

- കെ.ആർ. പ്രമോദ്

"എന്തുണ്ട് വിശേഷം? എന്നു ചോദിച്ചാൽ “എന്തൊരു ചൂട് എന്ന ചൂടൻ മറുപടി ഉടൻ കിട്ടും. അതോടെ നമ്മളും ഉഷ്ണിച്ചു പോകും. നാട്ടിടവഴികളിൽ നിന്ന് ആഗോളതാപനത്തെക്കുറിച്ചു ചിന്തിച്ചു പോകും. പത്താമുദയം പോയിട്ടും ചൂടു കൂടുകയാണങ്കിൽ വിശറി വീശിയിട്ടു കാര്യമില്ല. മിക്കയിടങ്ങളിലും ചൂട് 40 ഡിഗ്രി പിന്നിട്ടു കഴിഞ്ഞു. മലയിലും വയലിലും തീക്കാറ്റ് ഉഴറി നടക്കുകയാണ്. നരിയും മാനും മയിലും നാട്ടിൽ പരതി നടക്കുകയാണ്. കിണറുകൾ വറ്റി വരളുകയാണ്. ഈ അവസ്ഥയ്ക്ക് നമ്മളെല്ലാമല്ലേ കാരണക്കാരെന്ന് ചോദിക്കാതെ വയ്യ. ഉതുപ്പാന്റെ കിണർ മൂടിയവരല്ലേ, നമ്മൾ

ഉതുപ്പാൻ ക്ഷമിക്കട്ടെ

ഉതുപ്പാൻ ഒരു സാധാരണ മനുഷ്യനായിരുന്നു. നഗരത്തിലെ ഒരു കൂലിപ്പണിക്കാരൻ. പക്ഷേ, മൂപ്പർ വലിയൊരു കാര്യം ചെയ്തു നഗരത്തിന്റെ മൂലയിൽഒരു തുണ്ട് ഭൂമി വാങ്ങി അതിൽ ഒരു കിണർ കുഴിച്ച് നാട്ടുകാർക്കു കൊടുത്തു.