ചൊറിയാത്ത കറികൾ

നാട്ടുരുചികൾ പുതുതലമുറയും അറിയട്ടെ. അടുക്കളത്തോട്ടത്തിൽ അവയ്ക്കും ഇടം കൊടുക്കാം.

- 

രാവിലെ പ്രാതലിനൊപ്പം ചേമ്പിലകൊണ്ട് ലീഫ് റോൾ, വൈകിട്ട് ചായയ്ക്കൊപ്പം പനിക്കൂർക്കകൊണ്ട് ബജി' ഒന്നു പരീക്ഷിച്ചാലോ. ഉച്ചയ്ക്ക് ഊണിനൊപ്പം ഒരു സ്പെഷൽ വിഭവം കൂടിയുണ്ട്; ചൊറിയണം തോരൻ.അതെ, തൊട്ടാൽ ചൊറിയുന്ന ചൊറിയണം അഥവാ കൊടി തൂവകൊണ്ട് അതീവ രുചികരമായ തോരൻ. ആദ്യ രണ്ടു ചെറുകടികളും പരീക്ഷിക്കാൻ പാതി മനസ്സു വന്നവരും ചൊറിയണം തോരനു മുന്നിൽ ഒന്നു പതറും. ഒട്ടും മടിക്കേണ്ട, ധൈര്യമായി കഴിക്കൂ' എന്നു പറയുന്നു ഇലവിഭവങ്ങളുടെ ലോകത്ത് കാൽ നൂറ്റാണ്ടിന്റെ അനുഭവ പരിചയമുള്ള സജീവൻ കാവുങ്കര.