દલિત નેતા દલિતોના દુશ્મન

દલિતો પર અત્યાચારના કિસ્સામાં પીડિત પક્ષને કાનૂની મદદ ઉપલબ્ધ કરાવવાનો આદેશ પણ આપ્યો હતો

- 

૨૯ ઓગસ્ટ, ૨૦૨૨ ના રોજ નેશનલ ક્રાઈમ રેકોર્ડ બ્યૂરોએ જે આંકડા પ્રકાશિત કર્યા, તેના પરથી જણાય છે કે ઉત્તર પ્રદેશમાં વર્ષ ૨૦૨૧ માં ૧.૦૨ ટકા દલિતો વિરુદ્ધ અત્યાચાર વધવાના રિપોર્ટ નોંધાયા હતા અને મધ્ય પ્રદેશમાં ૬.૪ ટકા ફરિયાદો વધી હતી. કેન્દ્રીય મંત્રી રામદાસ અઠાવલે, જે સ્વયં દલિત છે, તેમણે માર્ચ, ૨૦૨૨ માં સ્વીકાર્યું હતું કે ભારતીય જનતા પાર્ટીના રાજમાં વર્ષ ૨૦૧૮ થી વર્ષ ૨૦૨૦ સુધીમાં ૧,૩૮,૮૨૫ અત્યાચારની ફરિયાદ નોંધાઈ હતી.

ડિસેમ્બર, ૨૦૨૨ માં તામિલનાડુના કોઈમ્બતૂર પાસેના એક ગામમાં ૧૦૨ વર્ષની એક વૃદ્ધ મહિલાની લાશને કબ્રસ્તાનમાં દફન કરવાની મંજૂરી ન હતો, પરંતુ અપાતા ઝઘડો થયો દેશભરમાં કોઈ કંઈ ન બોલ્યું, જ્યારે દીપિકા પાદુકોણની બિકીનિના રંગ પર પૂરું સોશિયલ મીડિયા બેશરમ થઈને રંગાયેલું જોવા મળ્યું હતું. આમ પણ દલિતોના મોત પર ન કોઈ રિપોર્ટ છપાય છે કે ન કોઈ સમાચાર, પણ સોશિયલ મીડિયા પર જરૂર હોબાળો મચે છે.

૧૦ ડિસેમ્બર, ૨૦૨૨ ના રોજ કાનપુર, ઉત્તર પ્રદેશમાં એક દલિત વરરાજાને ઘોડી પર બેસીને ઠાકુરોના ઘર આગળથી પસાર થવા પર ગુસ્સે ભરાયેલા ઠાકુરોએ દલિત જાનૈયાની તેમના લગ્નસ્થળે જઈને ભરપૂર પિટાઈ કરી હતી, જે ટ્વિટર પર વીડિયો સ્વરૂપે જોઈ શકાય છે.

આ બધા કિસ્સામાં હિંદુરક્ષાવાહિની વાળા ચુપ રહ્યા હતા, પરંતુ કોંગ્રેસી, સમાજવાદી અને તેમાં પણ સૌથી મોટી વાત એ રહી હતી કે સ્વયં માયાવતીએ પોતાનું મોં ખોલ્યું નહોતું, કારણ કે આ બધા દલિતોના વોટ લેવા ઈચ્છતા હોય છે, પરંતુ તેમને સમાનતાનો દરજ્જો અપાવવા નથી ઈચ્છતા. વિપરીત આ બધા આમ તો જાતિ વ્યવસ્થાના ગ્રંથ જેમ કે ગીતા, મનુસ્મૃતિ તથા પુરાણોને વારંવાર યાદ કરતા હોય છે અને એમ કહેવાની કોશિશ કરે છે કે આ બધા ગ્રંથમાં જે કહેવાનો પ્રયાસ થયો છે. તે આજના હિંદુ વિરુદ્ધ પૌરાણિક રાજમાં ચાલશે.

દલિત નેતા કેમ પાછળ

વર્ષ ૨૦૧૯ ની લોકસભા ચૂંટણી પહેલાં પૂરા દેશમાં દલિત રાજનીતિ ટોચ પર હતી. દલિત વોટને એકત્ર કરવાની અને ગુમાવી દેવાની બેચેની ચારે બાજુ જોવા મળતી હતી. દરેક પાર્ટી અને દરેક નેતાને માત્ર દલિત જ દેખાતા હતા. સ્વયં સુધ્ધાએ વડાપ્રધાન નરેન્દ્ર મોદી પ્રયાગરાજમાં કુંભ સ્નાન દરમિયાન મેલુ ઉપાડનારના પગ પોતાના હાથે ધોયા હતા.