കവിത ബോധമാണ് വെളിപാട് മാത്രമല്ല

വഴിവിളക്കുകൾ

- കെ.ആർ. ടോണി

അയ്യപ്പപ്പണിക്കർ, ആറ്റൂർ രവിവർമ, കെ.ജി. ശങ്കരപ്പിള്ള, ഡോ.കെ.രാഘവൻ പിള്ള തുടങ്ങിയ കുറച്ചു മുതിർന്ന സാഹിത്യ സുഹൃത്തുക്കളുണ്ടായിരുന്നു. അവർക്കു ഞാനെന്റെ കവിതകൾ വായിക്കാൻ കൊടുക്കുമ്പോൾ അവരതിനെപ്പറ്റി അഭിപ്രായം പറയുമായിരുന്നു. അതിൽക്കവിഞ്ഞ് അവരെന്നെ എവിടേക്കും കൈപിടിച്ചു നടത്തിയിട്ടില്ല. ഗുരു മുഖത്തുനിന്ന് ഞാനൊന്നും പഠിച്ചില്ല. കണ്ണാടിയിലെ സ്വന്തം മുഖമാണെന്നെ പഠിപ്പിച്ചത്.

ജന്മനാ സിദ്ധി കൂടിയ കവിയല്ല. സിദ്ധി വളരെ കുറവാണെന്നു തോന്നുന്നു. പരമ്പരാഗതമായി കവിതയും സാഹിത്യവും രക്തത്തിൽ അലിഞ്ഞു ചേർന്നിട്ടുള്ള ആഢ്യന്മാരുടെ കുടുംബവുമല്ല എന്റേത്.