കിടപ്പുരോഗികളുടെ പരിചരണം

ജന്മവൈകല്യവും സർജറിയും

- ഡോ. ഷീജ രാജൻ

കിടപ്പുരോഗികളിൽ ബെഡ്സോർ വരാൻ സാധ്യതയുള്ളവരെ തിരിച്ചറിയുക എന്നത് വളരെ പ്രധാനമാണ്. രോഗികളുടെ റിസ്ക് ലെവൽ അറിയാൻ ബഡൻ സ്കെയിൽ (braden scale) പോലെയുള്ള അളവുകോലുകൾ ഉപയോഗിക്കാം. രോഗി ആശുപത്രിയിലായാലും വീട്ടിലെ പരിചരണത്തിലായാലും ചില മുൻകരുതലുകൾ നിർബന്ധമാണ്.

മർദം കുറയ്ക്കാൻ സഹായിക്കുന്ന പ്രത്യേക കിടക്കകൾ ഇന്നു ലഭ്യമാണ്. എയർ ബെഡ്, എയർ കുഷൻ, വാട്ടർ ബെഡ്, വൈദ്യുതി ഉപയോഗിച്ച് പ്രവർത്തിക്കുന്ന ആൽഫ ബെഡ്, ലോ എയർ ലോസ്ബെഡ്,എയർഫ്ലൂവിഡൈസ്ഡ് മാട്രസ് എന്നിവയിലേതെങ്കിലും ഇതിനായി ഉപയോഗിക്കാം. ഇത്തരം കിടക്കകളിലാണെങ്കിൽപ്പോലും ഓരോ രണ്ടു മണിക്കൂർ കൂടുമ്പോഴും രോഗിയെ തിരിച്ചും മറിച്ചും കിടത്തേണ്ടതാണ്.