ரிலீசுக்கு ஒரு வருடம் முன்பே ரிசர்வேஷன் செய்யப்படும் உலகின் முதல் படம்!

உலகப் புகழ்பெற்ற கிரேக்க கவிஞரான ஹோமர் எழுதிய 'ஓடிஸி' காவியத்தை, பிரபல ஹாலிவுட் இயக்குநரான கிறிஸ்டோபர் நோலன் படமாக்கப் போவதாக அறிவித்ததிலிருந்து எதிர்பார்ப்புகள் எகிறிவிட்டன.

- த.சக்திவேல்

இந்திய மதிப்பில் சுமார் 2,150 கோடி ரூபாய் பட்ஜெட்டில் உருவாகி வரும் இந்த ஆங்கிலப்படத்தின் பெயர், 'த ஓடிஸி'. வருகிற 2026ம் வருடம் ஜூலை 17ம் தேதி வெளியாகிறது.

அதாவது, படம் வெளியாக இன்னமும் ஒரு வருடம் இருக்கிறது. ஆனால், இப்போதே ஐமேக்ஸ் 70எம்எம் திரையரங்குகளில் முன்பதிவு தொடங்கிவிட்டது!

அதென்ன ஐமேக்ஸ் 70 எம் எம்?

பிரமாண்டமான திரையைக் கொண்ட திரையரங்கம் இது. ஐமேக்ஸ் 70 எம்எம் திரையின் அகலமும், உயரமும் மற்ற சாதாரண திரைகளைவிட நான்கு மடங்கு பெரிதாக இருக்கும்.

18K ஃபிலிம் ப்ரொஜெக்ஷன் மூலம் இயங்கும் ஐமேக்ஸ் 70 எம்எம் திரையரங்குகளில், ரெசல்யூசனில் படங்களைத் திரையிடலாம். அதனால் காட்சி கள் மிகத்துல்லியமாக இருக்கும்.

சாதாரண திரையரங்குகளில் அதிகபட்சமாக 4K ரெசல்யூச னில்தான் திரையிட முடியும்.

இதுபோக சவுண்டின் தரமும் அருமையாக இருக்கும்.

இன்றைய தேதியில் உலகம் முழுவதும் 30 இடங்களில் மட்டுமே ஐமேக்ஸ் 70 எம்எம் திரையரங்குகள் இருக்கின்றன. இருபது வருடங்களுக்கு முன்பு இதை விட அதிகமான இடங்களில் இருந்தன.

ஐமேக்ஸ் டிஜிட்டல், லேசர் திரையரங்குகள் வந்தபிறகு, பெரும்பாலான ஐமேக்ஸ் 70எம்எம் திரையரங்குகள் மூடப்பட்டுவிட்டன.