ஆசியாவின் வெப்பநிலை அதிகரிக்கிறது?

அப்படித்தான் ஆய்வு சொல்கிறது; எச்சரிக்கிறது.

- என்.ஆனந்தி

இந்தியாவில் கோடைக் காலம் என்பது கடுமையான வெப்பத்தின் காலம் மட்டுமல்ல; இது இந்திய துணைக் கண்டத்தின் காலநிலை மற்றும் கலாசார ரீதியாக முக்கியத்துவம் வாய்ந்த கட்டமாகும்.

ஒவ்வொரு ஆண்டும் மார்ச் மாதம் முதல் ஜூன் மாதம் வரை கோடைக் காலம் என்று பொதுவாக பருவகால நிலைமை பற்றிய குறிப்புகள் தெரிவிக்கின்றன.

இந்த ஆண்டு கோடைக்கால வெப்பநிலை நாட்டின் பல பகுதிகளில் பெரும்பாலும் 45°C ஐ விட அதிகமாக இருப்பதால், கோடை விவசாயம், மனித ஆரோக்கியம், பொருளாதார நடவடிக்கைகள் மற்றும் சுற்றுச்சூழலை ஆழமாக பாதித்துள்ளது.

கோடைக்காலத்தில் அளவுக்கு அதிகமான வெப்பத்தின் தாக்கமானது பல மாதங்கள் நீடிக்கும்; அன்றாட வாழ்க்கையை பல வழிகளில் பாதிக்கும். இது இந்தியாவின் பருவகால தாளத்தை வடிவமைப்பதில் முக்கிய பங்கு வகிக்கிறது.