குற்றம் எல்சா மீதா..?

கிருத்தி பள்ளியிலிருந்து வீட்டிற்கு வந்தவுடன், அவளது கோல்டன் ரெட்ரீவர் எல்சா உற்சாகமாக குரைக்க ஆரம்பித்தது.

- வந்தனா குப்தா

மகிழ்ச்சியில் சுழன்று, தன் பின்னங்கால்களில் நின்று, கிருதியின் முகத்தை நக்க முயன்றது. கிருத்தி சிரித்துக்கொண்டே, "எனக்கு புரிகிறது! என்னை மிகவும் மிஸ் செய்தாய் எல்சா, நானும் உன்னை மிகவும் மிஸ் செய்தேன்!

இன்று காதலர் தினம், உனக்கு ஒரு ஸ்பெஷல் கிப்ட் வைத்திருக்கிறேன்.

அவள் தன் பையில் இருந்து, ஒரு மெல்லும் டாய் எடுத்து எல்சாவிடம் கொடுத்தாள், அதை வாயில் கவ்விக்கொண்டு, பெரிய அலமாரியின் கீழ் தனக்குப் பிடித்த இடத்தில் செட்டில் ஆனது எல்சா. இதைப் பார்க்கையில் சில மாதங்களுக்கு முன்பு அவர்கள் வீட்டில் நடந்ததை நினைத்தாள் கிருத்தி.

ஒரு நாள் காலையில், ஹரி, "அம்மா, எனக்கு ஸ்கூலுக்கு நேரம் ஆகிறது. என் சாக்சில் ஒன்றை காணவில்லை!" என்று அழுதான்.

"கிருத்தி, கொஞ்சம் ஹரியோட சாக்ஸை தேடி கொடும்மா... நான் உன்னுடைய லஞ்ச் பாக்ஸை கட்டுவதில் பிஸியாக இருக்கிறேன்," அம்மா சமையலறையிலிருந்து சொன்னாள்.

எல்சாவை பற்றி நன்கு அறிந்திருந்த வேலைக்காரி மஞ்சு, "பெரிய அலமாரிக்கு அடியில் ஒரு சாக்ஸைப் பார்த்தேன்" என்றாள்.

ஹரி பெரிய அலமாரிக்கு அடியில் கையை நீட்டி தன் சாக்கை வெளியே எடுத்தான். அதை அணிகையில், "இதில் ஒரு பெரிய ஓட்டை இருக்கிறது! இதை எப்படி நான் போட முடியும்?"

அம்மா சமையலறையில் இருந்து வெளியே வந்து அவர்களின் லஞ்ச் பாக்ஸ்களை டேபிள் மீது வைத்தாள். சாக்ஸை எடுத்து எல்சாவின் முகத்திற்கு நேர் காண்பித்து. "எல்சா! இதை மென்று சாப்பிட்டியா? குறும்பு செய்வதை நிறுத்து, இல்லைன்னா பெரிய பனிஷ்மென்ட் கிடைக்கும் !" அம்மா அதை திட்டினாள்.

கோபமான தொனியை கேட்ட எல்சா வாலைத் தன் கால்களுக்கு இடையில் வைத்துக்கொண்டு படுக்கைக்கு அடியில் ஓடியது.

ஹரி மற்றும் ஒரு சாக்ஸை அணிந்து கொண்டு பள்ளிக்கு கிளம்பினான்.

அடுத்த நாள், அப்பா மேஜையில் காகிதங்களை விரித்து வைத்துக்கொண்டு எதையோ தேடிக்கொண்டிருந்தார்.

"குழந்தைகளே, நீங்கள் என் ப்ளூ பைலை பார்த்தீர்களா? நான் அதை இங்குதான் வைத்திருந்தேன்!" என்று கிருத்தியையும் ஹரியையும் பார்த்து கேட்டார்.

"இல்லையேப்பா” என்று பதிலளித்து, அதைத் தேட ஆரம்பித்தார்கள் இருவரும்.