சுவையான காபி

அன்று காலையில் ஜின்னி ஆடு மகிழ்ச்சியுடன் அருகில் இருந்த ஒரு வயலுக்குள் நுழைந்து பச்சை பசேலென இருந்த புல்லை ரசித்து சுவைத்துக் கொண்டிருந்தது. அப்போது, சத்தம் கேட்டு அங்கு வந்தார் வயலின் உரிமையாளர்.

- சுமன் பாஜ்பாய்

அவரைக் கண்டதும் ஜின்னி வேகமாக தப்பித்து ஓடியது. உடனே உரிமையாளர் ஒரு குச்சியுடன் அதன் பின்னால் ஓடினார். ஜின்னி வேகமாக ஓடி, சாலையோரத்தில் நிறுத்தப்பட்டிருந்த ஒரு லாரியில் ஒளிந்து கொண்டது. நிறைய புல்லைசாப்பிட்டு விட்ட களைப்பு காரணமாக சோம்பேறித்தனம் ஏற்பட்டு அப்படியே லாரிக்குள் தூங்கி விட்டது. சிறிது நேரம் கழித்து ஹாரன் சத்தம் ஒலித்தது. அதைக் கேட்டு ஜின் கண் விழித்தது. என்ன ஆச்சரியம் பொழுது விடிந்திருந்தது. ஜின்னி டிரக்கிலிருந்து எட்டிப் பார்த்தது, சுற்றிலும் பசுமையாக இருந்தது, இயற்கை காட்சிகள் மிக கவர்ச்சிகரமாக இருந்தன, "என்ன இது நம்முடைய கிராமம் போல் தெரியவில்லையே, அப்படியானால் நான் எங்கே இருக்கிறேன்?" என்று ஜின்னி யோசித்தது அப்போது 'வெல்கம் டூ கூர்க்' என்று எழுதப்பட்ட போர்டு இருந்தது. அது என்ன கூர்க்? இந்த பெயரை ஜின்னி இதற்கு முன் கேள்விப்பட்டதில்லை. இதில் மிகவும் ஆச்சரியமான விஷயம் என்னவென்றால், காற்றில் அருமையான நறுமணம் பரவியது.

இதற்கு காரணம் அந்த கிராமத்தில் உள்ள மக்கள் ஊதுபத்திகளை எரிய வைத்து இருந்தனர். ஆனால், இது ஊதுபத்திகளின் வாசனை அல்ல, அப்படியானால் இது நமது ஊர் அல்ல என ஜின்னிக்கு தெரிந்தது. எனவே லாரி நின்றதும், ஜின்னி கீழே குதித்தது, 'என்ன செய்வது' என்று யோசித்துக் கொண்டிருந்தபோது ஒரு மரத்தடியில் அணில் கூட்டம் இருப்பதைப் பார்த்தது.

அங்கு அவை விளையாடி மகிழ்ந்து கொண்டிருந்தன, அங்கு ஜின்னி சென்றது.

ஜின்னியைக் கண்டவுடன் அணில்கள் வியப்பாக பார்த்தன.

'வணக்கம்! எனது பெயர் ஜின்னி, என ஆடு அறிமுகம் செய்து கொண்டு, இங்கே என்ன வித்தியாசமான மணம் வீசுகிறது. அது என்ன?' என்று கேட்டது.

"நீங்க இந்த பகுதிக்கு புதியவர் போல் தெரிகிறது, அதனால் தான் இந்த வாசனையை உங்களால் அடையாளம் காண முடியவில்லை.