മഴക്കാലരോഗങ്ങളും അവയുടെ പ്രതിരോധ മാർഗ്ഗങ്ങളും

വേനൽക്കാലം കഴിഞ്ഞ് മഴക്കാലം വരുമ്പോൾ ആരോഗ്യ കാര്യങ്ങളിൽ വളരെയധികം ശ്രദ്ധ ചെലുത്തേണ്ടതുണ്ട്. ഈ സമയങ്ങളിൽ നമ്മുടെ രോഗപ്ര തിരോധശേഷി കുറവായിരിക്കും. അതുകൊണ്ടുതന്നെ പലവിധ രോഗാണുക്കൾ ശരീരത്തിൽ പ്രവേശിച്ച് രോഗങ്ങൾ പിടിപെടാനുള്ള സാധ്യതയും ഏറെയാണ്. ഈ കാരണം കൊണ്ടാണ് ആയുർവേദശാസ്ത്രം കർക്കിടക ചികിത്സയ്ക്ക് പ്രാധാന്യം നൽകുന്നത്.

- ഡോ. ഷിബില കെ BAMS. MS (Ayu) Dept of Gynaecology and Obstetrics Associate Professor Sumandeep Ayurved Medical College and Hospital,Vadodara,Gujarat Email: shibila.k@gmail.​com

മഴ ശക്തി പ്രാപിക്കുന്നതോടൊപ്പം മഴക്കാലരോഗങ്ങൾ കൂടി പിടിമുറുക്കുകയാണ്. ആയുർവേദ ശാസ്ത്രപ്രകാരം മഴക്കാലം രോഗസാധ്യത ഏറിയ കാലമാണ്. അതുകൊണ്ടുതന്നെ ഇത്തരം രോഗങ്ങൾ വരാതിരിക്കാനും നമ്മുടെ രോഗപ്രതിരോധശേഷി വർദ്ധിപ്പിക്കുന്നതിനുള്ള മുൻകരുതലുകൾ എടുക്കേണ്ടത് അത്യാവശ്യമാണ്. പൊതുവേ മഴക്കാലരോഗങ്ങളെ, മഞ്ഞപ്പിത്തം, ടൈഫോയിഡ്, എലിപ്പനി മുതലായ ജലത്തിലൂടെ പകരുന്ന രോഗങ്ങൾ: ചുമ, ജലദോഷം എന്നീ രോഗലക്ഷണങ്ങളോ ട് കൂടി വായുവിലൂടെ പകരുന്നവ: ചിക്കൻ ഗുനിയ, ഡെങ്കിപ്പനി തുടങ്ങി കൊതുകുകൾ പരത്തുന്ന രോഗങ്ങൾ എന്നിങ്ങനെ മൂന്നായി തരംതിരിക്കാം.

വേനൽക്കാലം കഴിഞ്ഞ് മഴക്കാലം വരുമ്പോൾ ആരോഗ്യ കാര്യങ്ങളിൽ വളരെയധികം ശ്രദ്ധ ചെലുത്തേണ്ടതുണ്ട്. ഈ സമയങ്ങളിൽ നമ്മുടെ രോഗപ്രതിരോധശേഷി കുറവായിരിക്കും. അതുകൊണ്ടുതന്നെ പലവിധ രോഗാണുക്കൾ ശരീരത്തിൽ പ്രവേശിച്ച് രോഗങ്ങൾ പിടിപെടാനുള്ള സാധ്യതയും ഏറെയാണ്. ഈ കാരണം കൊണ്ടാണ് ആയുർവേദശാസ്ത്രം കർക്കിടക ചികി ത്സയ്ക്ക് പ്രാധാന്യം നൽകുന്നത്. ഇതിൽ ശോധന ചികിത്സകളായ വമനം, വിരേ ചനം, വസ്തി, നസ്യം മുതലായ പഞ്ചകർമ്മങ്ങൾ ചെയ്ത് ശരീരത്തെ ശുദ്ധിയാക്കുന്നു. അതോടൊപ്പം തന്നെ നമ്മുടെ ദഹന ശക്തിയും രോഗപ്രതിരോധശേഷിയും വർദ്ധിപ്പിക്കാൻ സഹായിക്കുന്ന മരുന്നുകൾ ചേർത്ത ഔഷധ കഞ്ഞി, പത്ഥ്യാഹാരം എന്നിവയും ഉൾപ്പെടുത്തിയിരിക്കുന്നു. മഴക്കാലത്തിന്റെ തുടക്കത്തിൽ ഋതുശോധനം എന്ന പേരിൽ യുക്തമായ ഔഷധങ്ങൾ ഉപയോഗിച്ച് മൃദുവായി വയറിളക്കാനും ആയുർവേദ ശാസ്ത്രം അനുശാസിക്കുന്നു.