രക്തം നൽകാം പുതുജീവനേകാം

സൗജന്യമായി ലഭിക്കുന്ന രക്തം ആവശ്യക്കാരന്റെ സാഹചര്യം മുതലാക്കി ഉയർന്ന വിലയ്ക്ക് വിൽക്കുമ്പോൾ ഒന്ന് ഓർക്കുക. നിങ്ങൾ വിലയിടുന്നത് ചുവന്ന നിറത്തിലുള്ള ഒരു ദ്രാവകത്തിന് മാത്രമല്ല, ഒരു ജീവന് കൂടെയാണ്

- 

ജീവന്റെ നിലനിൽപ്പ് തന്നെ രക്തത്തിലാണ്.. അതിനാലാണ് 'രക്ത ദാനം മഹാ ദാനം' ആകുന്നതും. രക്തം ദാനം ചെയ്യുന്ന വ്യക്തി ഒരർത്ഥത്തിൽ തന്റെ ജീവൻ തന്നെയാണ് പകുത്തു നൽകുന്നതെന്ന് പറയേണ്ടിവരും. ജീവിതത്തിൽ ഒരിക്കലെങ്കിലും രക്തം ദാനം ചെയ്യുകയോ, അല്ലെങ്കിൽ സ്വന്തം ആവശ്യത്തിനോ, കുടുംബാംഗങ്ങൾക്ക് വേണ്ടിയോ രക്തം സ്വീകരിക്കേണ്ടി വരികയോ ചെയ്തിട്ടുള്ള വരാണ് നമ്മളിൽ ഭൂരിഭാഗം പേരും. രക്ത ദാനത്തിന് സന്നദ്ധരാണെങ്കിൽ തന്നെയും, ഹൈറ്റും വെയ്റ്റും ആരോഗ്യനിലയും കൂട്ടിയും കിഴിച്ചുമാണ് ഓരോരുത്തരെയും രക്തദാനത്തിന് തെരഞ്ഞെടുക്കുന്നത്. രക്തം ദാനം ചെയ്താൽ തന്നെ, ആവശ്യക്കാരിലേക്ക് അതെത്തുന്നതിന് മുൻപ് ഒരുപാട് കടമ്പകൾ ഉണ്ട്. ദാതാവിന്റെ രക്തത്തിൽ ഹീമോഗ്ലോബിന്റെ അളവ് 12.5 ആവണം. സാധാരണയായി 350 മില്ലി രക്തമാണ് ആരോഗ്യവാനായ ആരോഗ്യവതിയായ ഒരു വ്യക്തിയിൽ നിന്നും ഒരു സമയം