മീൻ രുചി ഇനി കടലോളം

നല്ലത് വിളമ്പി മത്സ്യഫെഡിന്റെ 'കേരള സീ ഫുഡ് കഫേ'

- 

കടൽ വിഭവങ്ങളുടെ കലവറയൊരുക്കി മത്സ്യഫെഡ്. ഒന്നല്ല, എണ്ണിയാൽ ഒതുങ്ങാത്ത കടൽ വിഭവങ്ങൾ രുചിക്കാൻ ഒരു സുവർണാവസരം. മത്സ്യമേഖലയിലെ സമഗ്രമായ പ്രവർത്തനങ്ങൾക്ക് എന്നും ചുക്കാൻ പിടിച്ചിട്ടുള്ള സർക്കാർ സംവിധാനമായ മത്സ്യഫെഡിന്റെ ഒരു നൂതന സംരംഭമാണ് തിരു വനന്തപുരം ജില്ലയിൽ വിഴിഞ്ഞം ആഴാകുളത്ത് പ്രവർത്തനം ആരംഭിച്ചിട്ടുള്ള 'മത്സ്യഫെഡ് കേരള സി ഫുഡ് കഫേ'. എറ്റവും ശുദ്ധമായ മത്സ്യ ഇനങ്ങൾ കൊണ്ട് നാവിനും മനസ്സിനും സംതൃപ്തി നൽകുന്ന മത്സ്യ വിഭവങ്ങളുടെ ശ്രേണി ഈ കഫേയിൽ ഒരുക്കിയിട്ടുണ്ട്. സംസ്ഥാന സർക്കാർ ഫിഷറീസ് വകുപ്പ് വഴി നടപ്പിലാക്കി വരുന്ന ഓഖി പുനരധിവാസ പദ്ധതിയുടെ ഭാഗമായി നടപ്പിലാക്കിയിട്ടുള്ളതാണ് ഈ സംരംഭം. മത്സ്യബന്ധന -സാസ്കാരിക യുവജന കാര്യ വകുപ്പ് മന്ത്രി സജി ചെറിയാൻ ആണ് സംരംഭം ഉദ്ഘാടനം ചെയ്തത്. രുചികൂട്ട് ഒരുക്കുക മാത്രമല്ല ഈ സരംഭത്തിന് പിന്നിൽ. ഓഖി ദുരന്ത ബാധിതരായ മത്സ്യത്തൊഴിലാളികളുടെ ജീവിത സാഹചര്യം പുനഃസ്ഥാ പിക്കുക മത്സ്യത്തൊഴിലാളി കുടുംബങ്ങൾക്ക് സുസ്ഥിര