വിപണി പിടിക്കാൻ കൈനറ്റിക് ഗ്രീൻ

ഇരുചക്രവാഹന വിപണിയിൽ സജീവമാകുകയാണ് കൈനറ്റിക് ഗ്രീൻ. വിപണിയെക്കുറിച്ചും പുതിയ മോഡലുകളെക്കുറിച്ചും കൈനറ്റിക് ടൂ വീലർ പ്രസിഡന്റ് ജയപ്രദീപ് വാസുദേവൻ ഫാസ്റ്റ്ട്രാക്കിനോട് സംസാരിക്കുന്നു...

- ജയപ്രദീപ് വാസുദേവൻ പ്രസിഡന്റ്, ടൂ വീലർ ബിസിനസ് കൈനറ്റിക് ഗ്രീൻ

“മൊബിലിറ്റി ഫോർ ഭാരത്' എന്ന വിഷനിലാണ് കൈനറ്റിക് ഗ്രീൻ പുതിയ ഇലക്ട്രിക് ലൂണയെ അവതരിപ്പിച്ചത്. വിപണിയിലെ എൻട്രി ലെവൽ വിഭാഗത്തി ലാണ് ലൂണയുടെ സ്ഥാനം. പൊതുജന ങ്ങളെ ഇലക്ട്രിക് വാഹനമേഖലയിലേക്ക് ആകർഷിക്കുക എന്നതാണ് ലൂണയിലൂടെ ലക്ഷ്യമിടുന്നത്. നിലവിൽ ഇരുചക്രവാ ഹനങ്ങൾ കൂടുതലുള്ളത് 100 സിസിയോ അതിനു മുകളിലോ ആണ്. ഇതിനു താഴെ വാഹനങ്ങൾ വിരളമാണ്. ഇവിടെയാണ് ലൂണയുടെ പ്രസക്തി.

സാധാരണക്കാരന്റെ ലൂണ

ഇഎംഐ ഉൾപ്പെടെ എല്ലാ ചെലവും ഉൾപ്പെടുത്തി 2,500 രൂപയാണ് മാസം തോറും ലൂണയ്ക്കുള്ള അടവു വരിക. ചെറിയ ബജറ്റിൽ ഇരുചക്രവാഹനം ലക്ഷ്യമിടുന്നവർക്ക് ഇതു സഹായകരമാണ്. കൈനറ്റിക് ഗ്രീനിന്റെ മോഡൽ ലൈനപ്പിൽ ഇരുചക്ര, മൂന്നു ചക്ര വാഹനങ്ങളും ഗോൾഫ് കോഴ്സ് കാർട്ടുകളുമുണ്ട്. ഗോൾഫ് കോഴ്സ് വാഹനങ്ങൾ അടുത്തിടെയാണ് ലോഞ്ച് ചെയ്തത്. ലോ സ്പീഡ് വിഭാ ഗത്തിലും ഹൈ സ്പീഡ് വിഭാഗത്തിലും ലൂണയ്ക്ക് പുറമേ രണ്ടു സ്കൂട്ടറുകളുണ്ട്. ഹൈ സ്പീഡ് സ്കൂട്ടറുകൾ പ്രധാന മായും നഗരങ്ങളെ ഉദ്ദേശിച്ചുള്ളതാണ്. ലൈസൻസ് ആവശ്യമില്ലെന്നതാണ് ലോ സ്പീഡ് സ്കൂട്ടറുകളുടെ ഹൈലൈറ്റ്.