ഡബിൾ കോടിപതി

അൻപതു രാജ്യങ്ങളിലായി 2 കോടി പൾസർ വിറ്റ് ബജാജ്

- റോഷ്നി കെ.

പൾസർ... സാധാരണക്കാരെ സ്പോർട്സ് ബൈക്ക് എന്ന സ്വപ്നം കാണാൻ പഠിപ്പിച്ച് മോഡൽ. യുവാക്കളുടെ ജീവനാഡിയിൽ ഈ പേര് അലിഞ്ഞുചേർ ന്നിട്ടുണ്ട്. ഇതുവരെ 2 കോടി പൾസർ വിറ്റുകഴിഞ്ഞു. ലോകത്താകെ 50 രാജ്യങ്ങളിലൂടെയുള്ള വിൽപനയിലൂടെയാണ് ഈ മാന്ത്രിക നേട്ടം കൈവരിച്ചത്. ഗ്ലോബൽ സ്പോർട്സ് മോട്ടർസൈക്കിൾ വിപണിയിൽ സ്വന്തം മുദ്ര പതിപ്പിച്ച മോഡൽ.

രണ്ടു വ്യാഴവട്ടക്കാലവും പിന്നിട്ട് വിജയ ക്കുതിപ്പു തുടരുകയാന്ന് പൾസർ മോഡലുകൾ. താങ്ങാവുന്ന വിലയ്ക്ക് സ്പോർട്സ് ബൈക്ക് എന്ന ഇന്ത്യൻ സ്വപ്നങ്ങൾക്കു ചിറകു നൽകി ബജാജ് അവതരിപ്പിച്ച മോഡലാണിത്. പല സീരീസുകളായി നിശ്ചിത ഇടവേളകളിൽ പുറത്തിറങ്ങിയ പൾസർ മോഡലുകൾക്കു കാലഘട്ടമനുസരിച്ച് മാറ്റങ്ങളും കൊണ്ടു വന്നിട്ടുണ്ട്. 50 രാജ്യങ്ങളിലായി 2 കോടി പൾസർ മോഡലുകളാണ് ഇതുവരെ ബജാജ് വിറ്റത്. ഗ്ലോബൽ സ്പോർട്സ് മോട്ടർസൈക്കിൾ വിപണിയിൽ ബജാജ് എന്ന പേരിനു സ്വീകാര്യത ഏറിയതും ഈ മോഡലിലൂടെ തന്നെ.