ലാഭം നേടാൻ ടാറ്റ അൾട്രാ ടി7

ലീറ്ററിന് 9 കിമീ ഇന്ധനക്ഷമതയും ആധുനിക കാബിനു മൊക്കെയായി ടാറ്റയുടെ ലൈറ്റ് കൊമേഴ്സ്യൽ വാഹനം

- നോബിൾ എം. മാത്യു

വാണിജ്യ വാഹനവിപണിയിൽ ടാറ്റയുടെ ബാഡ്ജണിഞ്ഞ വാഹനങ്ങൾ എക്കാലത്തും സെഗ്മെന്റ് ടോപ്പറുകളാണ്. വിപണിയുടെ വളർച്ചയ്ക്കൊപ്പം തന്നെ വളരുകയും കാലത്തിനൊപ്പം ആധുനികമാകുകയും ചെയ്യുന്ന മോഡലുകൾ എന്ന താണ് ടാറ്റ ട്രക്കുകളുടെ സവിശേഷതകൾ. ഇക്കഴിഞ്ഞ ഓട്ടോ എക്സ്പോയിൽ ടാറ്റ അവതരിപ്പിച്ച മോഡലുകളിലൂടെ കണ്ണോടിച്ചാൽ അതു മനസ്സിലാകും. ഹൈഡ്രജൻ ഫ്യൂവൽ ട്രക്കും ഇലക്ട്രിക് ട്രക്കുമെല്ലാം അക്കൂട്ടത്തിലുണ്ട്. ടാറ്റയുടെ ഏറ്റവും വിൽപനയുള്ള മോഡലുകളാണ് എൽസിവിയിലുള്ളത്. നാടിന്റെ വളർച്ച യ്ക്കൊപ്പം ചരക്കുഗതാഗതത്തിന്റെ നട്ടെല്ലാ യി നിലകൊള്ളുന്ന മോഡലുകളാണ് ഈ വിഭാഗത്തിൽ. ടാറ്റ 407 എന്ന ഒറ്റവാഹനം മാത്രം മതി അതിന് ഉദാഹരണം. എൽസി വിഭാഗത്തിൽ ടാറ്റ പുതിയതായി അവതരി പ്പിച്ച മോഡലാണ് അൾട്രാ ടി7. ആധുനിക കാബിനും മികച്ച ഇന്ധനക്ഷമതയുമായെത്തിയ അൾട്രാ ടി7 എന്ന മോഡലിനെ ഒന്നടുത്തു കാണാം.

ആധുനികൻ