CLASSIC & MODERN

153 കിലോമീറ്റർ റേഞ്ചുമായി ചേതക് 3501

- റോഷ്നി

പഴയ പടനായകൻ തിരിച്ചു വന്നപ്പോൾ ക്ലാസിക് സുന്ദരിയായി. അതാണ് ചേതക് ഇലക്ട്രിക് ഡിസൈനിൽ കാര്യമായ മാറ്റങ്ങളൊന്നും വരുത്താതെ എന്നാൽ അകത്ത് ഒത്തിരി മാറ്റങ്ങളോടെയാണു പുതിയ ചേതക് 3501 വരുന്നത്. ഇലക്ട്രിക് വാഹനങ്ങളുടെ പ്രാഥമിക ഘട്ടം പിന്നിട്ട് രണ്ടാം ഘട്ടത്തിലേക്ക് എത്തിയിരിക്കുകയാണ്. കൂടുതൽ റേഞ്ച് വർധിപ്പിക്കുന്നതിനോടൊപ്പം സൗകര്യങ്ങളും ഫീച്ചറുകളും മെച്ചപ്പെടുത്തി. പുതിയ ചേതക്കിൽ വന്ന മാറ്റങ്ങൾ എന്തൊക്കെയാണെന്നു നോക്കാം.

പൊളി ലുക്ക്

ആരും നോക്കിപ്പോകുന്ന റെട്രെ ഡിസൈൻ. കാഴ്ചയിൽ മുൻ മോഡലുകളിൽനിന്നു കാര്യമായ മാറ്റമില്ല. ചേതക്കിന്റെ 35 സീരീസ് എന്നാണ് ഈ മോഡലിനെ ബജാജ് വിശേഷിപ്പിക്കുന്നത്. ത്രികോണാകൃതിയിലുള്ള ബോഡി കളർ റിയർവ്യൂ മിററുകൾ അഴകുള്ളതാണെങ്കിലും പ്രായോഗികത കുറവാണ്. സ്റ്റീൽ ബോഡിയാണ്.