ഡെ ഔട്ട് വിത്ത് സൂര്യാംശു

കൊച്ചിക്കായലിന്റെ ഓളങ്ങൾക്കൊപ്പം സഞ്ചരിക്കാൻ കെഎസ്ഐഎൻസിയുടെ സോളർ ഡബിൾ ഡക്കർ ബോട്ട്

- റോഷ്‌നി

സൂര്യാംശു എന്നാൽ സൂര്യന്റെ അംശമുള്ളവൻ എന്നാണല്ലോ അർഥം. പേരുപോലെതന്നെ സൂര്യന്റെ കരം ഗ്രഹിച്ചവനാണ് ഈ സോളർ ഡബിൾ ഡക്കർ ക്രൂയിസ്. കൊച്ചി കായലിന്റെ ഭംഗി ആസ്വദിക്കാൻ ഡബിൾ ഡക്കർ ബോട്ടാണ് രസം. വെയിൽ കൊള്ളേണ്ട. അതും പിടിച്ചെടുത്ത് വൈദ്യുതിയാക്കാൻ റൂഫിനു മുകളിൽ സോളർ പാനലുണ്ട്. പുറത്തു ചൂടു കൂടുതലാണെങ്കിൽ തണുക്കാൻ താഴെ എസി ഹാളുണ്ട്. പരിസ്ഥിതി മലിനീകരണമില്ല. സുന്ദരമായി ബോട്ട് യാത്ര ആസ്വദിക്കാം.

കേരള ഷിപ്പിങ് ആൻഡ് ഇൻലാൻഡ് നാവിഗേഷൻ കോർപറേഷന്റേതാണ് സൂര്യാംശു. സാഗരറാണിയുടേതു പോലെ വർഷകാലത്ത് നിയന്ത്രണമില്ല. ഏതു കാലാവസ്ഥയിലും യാത്ര പോകാം. 90 പേരടങ്ങുന്ന ഗ്രൂപ്പിന് ഒരു ദിവസം ആസ്വദിക്കാൻ നേരെ മറൈൻഡ്രൈവിലെ ജട്ടിയിൽ എത്തിയാൽ മതി.

ബാറ്ററി & മോട്ടർ

ഹൈക്കോർട് ശ്രീലങ്കയിലെ സോളർ മറൈൻ ലങ്ക പ്രൈവറ്റ് ലിമിറ്റഡ് കമ്പനിയാണ്സൂ ര്യാംശു നിർമിച്ചിരിക്കുന്നത്. കറ്റാമറൈൻ ഡിസൈനിലാണ് ഹൾ. മൊത്തം 23.06 മീറ്റർ നീളമുണ്ട്. വീതി 7.3 മീറ്ററും. ക്രൂസിന്റെ ഇരുഭാഗത്തുമായി 41kWന്റെ രണ്ട് ഇലക്ട്രിക് മോട്ടറുകളുണ്ട്. ടോർക്ക് 353 എൻഎം.