ഫീച്ചർ പാക്ക്ഡ്

പുതിയ ഡിസൈനും അഡാസ് ലെവൽ 2 അടക്കമുള്ള ഫീച്ചറുകളുമായി നവീകരിച്ച ക്രേറ്റ

- നോബിൾ എം. മാത്യു

ഇന്ത്യൻ വാഹനവിപണിയിൽ ഹ്യുണ്ടേയ് എന്ന കൊറിയൻ വാഹന നിർമാതാവിനെ ഒന്നാം നിരയിലേക്കെത്തിച്ച മോഡലുകളിലൊന്നാണ് ക്രേറ്റ. 2015ൽ വിപണിയിലെത്തിയ നാളുമുതൽ ഇന്നുവരെ മിഡ്ഡ് എസ് യു വി വിഭാഗത്തിൽ തലയെടുപ്പോടെ ക്രേറ്റയുണ്ട്. 2024 ജനുവരിയിൽ ഒരു മാസത്തെ വിൽപനക്കണക്കിൽ ഏറ്റവും കൂടുതൽ വിൽപന നേടി റെ ക്കോർഡ് നേട്ടവും കഴിഞ്ഞ മാസം ക്രേറ്റ കൈവരിച്ചു. 2015 മുതലുള്ള കണക്കുനോക്കിയാൽ ഇതുവരെ 8.3 ലക്ഷം ക്രേറ്റകൾ വിപണിയിലിറങ്ങി. വിൽപനയിൽ പുതിയ നേട്ടങ്ങൾ കൊയ്തു മുന്നേറുന്ന കറ്റയുടെ 2024 മോഡലിനെ ഹ്യുണ്ടായ് അവതരിപ്പിച്ചിരിക്കുകയാണ്. കാര്യമായ പരിഷ്കാരത്തോടെയാണ് മൂന്നാം തലമുറ ക്രേറ്റയുടെ വരവ്. ഡിസൈനിലും ഫീച്ചേഴ്സിലും എന്നും പുതുമ കൊണ്ടുവരുന്ന ഹണ്ട് പുത്തൻ ക്രേറ്റയിൽ എന്തെല്ലാമാണ് ഒരുക്കിയിരിക്കുന്നതെന്നു നോക്കാം...

കിടു ഡിസൈൻ