Electrifying Crossover

ഇലക്ട്രിക് ലക്ഷ്വറി വാഹന നിരയിലേക്ക് സൂപ്പർ ഡിസൈനും ഉഗ്രൻ റൈഡ് ക്വാളിറ്റിയും കിടിലൻ ഫീച്ചേഴ്സുമായി കിയ ഇവി6.

- നോബിൾ

ഇന്ത്യൻ വാഹന വിപണിയിൽ രംഗപ്രവേശം ചെയ്ത് കുറഞ്ഞ നാളുകൊണ്ട് അദ്ഭുതകരമായ വളർച്ച നേടി ഏവരെയും ഞെട്ടിച്ച വാഹന നിർമാതാക്കളാണ് ദക്ഷിണ കൊറിയയിൽ നിന്നുള്ള കിയ നിലവിൽ അഞ്ചാം സ്ഥാനത്താണു കിയ. ഇക്കഴിഞ്ഞ ഒക്ടോബർ മാസത്തിൽ മാത്രം 25,857 മോഡലുകൾ വിറ്റ് കിയ റെ ക്കോർഡിട്ടിരുന്നു. ഹോണ്ടയും ടൊ യോട്ടയും ഫോക്സ്വാഗനുമൊക്കെ കിയയുടെ പിന്നിലാണ്. ഐസിഇ (ഇന്റേണൽ കംപ്യൻ എൻജിൻ) കാറുകളുടെ വിജയക്കുതിപ്പിനോടെ മാപ്പം ചേർന്ന് കിയയുടെ ഫ്ലാഗ്ഷിപ് മോഡലായ ഇവി6 എന്ന ഇലക്ട്രിക് കാറും രംഗത്തെത്തിയിരിക്കുകയാ ണ്. ഇലക്ട്രിക് കാർ വിപണിയിലെ ആഡംബര വിഭാഗത്തിലാണ് ഇവി 6 മാറ്റുരയ്ക്കുന്നത്. കിയയുടെ ആദ്യ ഇലക്ട്രിക് കാറായ ഇവി 6 നെ വിശദമായി ഒന്നു കാണാം.

മോട്ടർ-ബാറ്ററി

 റിയർ വീൽ ഡ്രൈവ് ഓൾ വീൽ ഡ്രൈവ് വേരിയന്റുകൾ ഇവി 6നുണ്ട്. രണ്ടു വേരിയന്റിലും 77.4 കിലോവാട്ട് അവറിന്റെ ലിഥിയം അയോൺ ബാറ്ററിയാണ് നൽകിയിരിക്കുന്നത്.

നാലു തരത്തിൽ ഇവി 6 ചാർജ് ചെയ്യാം. സ്റ്റാൻഡേർഡ് ചാർജറായി വരുന്നത് 22 കിലോവാട്ടിന്റെ വോൾ ബോക്സാണ്. 6 മണിക്കൂർ വേണം ബാറ്ററി ഫുൾ ചാർജാകാൻ. 50 കിലോവാട്ടിന്റെ ഫാസ്റ്റ് ചാർജർ ഉപയോഗിച്ചാൽ 70 മിനിറ്റുകൊ ണ്ട് ബാറ്ററിയുടെ 10- 80% ചാർജ് ചെയ്യാം. 240 കിലോവാട്ട് ചാർജറിൽ 30 മിനിറ്റു കൊണ്ട് ബാറ്ററി 0-80% ചാർജാകും. നിലവിൽ ഇന്ത്യയിൽ കിയയുടെ മരടിലുള്ള ഇഞ്ചിയോൺ ഷോറൂമിൽ മാത്രമേ ആ ചാർജിങ് സംവിധാനമുള്ളൂ. 350 കിലോവാട്ട് ഡിസി ചാർജറാണ് കൂട്ടത്തിൽ കിടിലൻ. വെറും 18 മിനിറ്റുകൊണ്ട് 10-80% ചാർജ് ചെയ്യാം. പക്ഷേ, ഇന്ത്യയിൽ നിലവിലില്ല.

റേഞ്ച്

 ഇവി 6ന് എആർഎഐ സാക്ഷ്യപ്പെടുത്തിയ മൈലേജ് കിയ പറയുന്നില്ല. പകരം രാജ്യാന്തര ഡബ്ല്യുഎൽടിപി (WLTP-World Wide Harmonized Light Vehicle Test Procedure) റേഞ്ചായ 528 കിലോമീറ്ററാണ് അവകാശപ്പെടുന്നത്.

ടെയിൽ ലൈറ്റിനടിയിലായാണ് ചാർജിങ് പോർട്ട്. ഇവി 6 ന്റെ എടുത്തു പറയേണ്ട സവിശേഷതകളിലൊന്ന് ഇതിൽനിന്നു പുറത്തേക്ക് കറന്റ് എടുക്കാമെന്നതാണ്. റെഫിജറേറ്ററോ അതുപോലുള്ള ഉപകരണമോ ഒക്കെ പ്രവർത്തിപ്പിക്കാം. ക്യാംപിങ് വേളയിൽ ഇവി6  ഒരു ജനറേറ്ററാകുമെന്നു സാരം.