மனசுக்கு நெருக்கமாக இருந்தால் ரசிப்பேன்!

தென்னிந்தியாவின் பிரபலமான நடிகைகளில் ஒருவராக வலம் வருகிறார் ருக்மிணி வசந்த். லண்டன் ராயல் அகாடமியில் படித்து நடிப்பில் பட்டம் வாங்கியிருக்கும் ருக்மிணிக்கு இன்ஸ்டாகிராமில் மில்லியன் பாலோயர்கள் உள்ளனர்.

- 

ஆறுமுக குமார் இயக்கத்தில் விஜய் சேதுபதி நடிக்கும் 'ஏஸ்' படத்தில் ஹீரோயினாக கமிட் ஆன இவர், தற்போது முருகதாஸ் இயக்கத்தில் சிவகார்த்திகேயன் நடிக்கும் படத்திலும் நாயகியாக நடித்து வருகிறார். அவருடன் ஒரு அழகான சிட்சாட்.

உங்க சினிமா பயணத்தை எப்படி பார்க்குறீங்க, பட வாய்ப்புகளை எப்படி தேர்வு செய்யுறீங்க?

என்னைத் தேடி வர்ற வாய்ப்புகளை நான் சரியா பயன்படுத்திக்கணும். இருக்குற சூழலைப் பொறுத்து சரியான முடிவை எடுக்க நான் முயற்சி செய்யுறேன். வேகமாக, கடினமான முடிவுகளை எடுக்கணும்'ன்னு எந்த நிர்பந்தமும் எனக்கில்ல. பொதுவா நான் பெரிய படமா இருந்தாலும் நடிக்க ஸ்கோப் இருக்குற வலுவான கேரக்டர் இருந்தா மட்டும் தான் ஒப்பந்தத்தில் சைன் பண்ணுவேன். ஏன்னா, வாழ்க்கையில் எனக்கு மறக்க முடியாத சில அனுபவங்கள் நடந்திருக்கு.