കാനനവാസനെ കാണാൻ കാട്ടുകനികളുമായി കാടിന്റെ മക്കൾ

അഗസ്ത്യാർകൂടം വനമേഖലയിലെ ഗോത്രവിഭാഗക്കാരായ കാണിമാർ അയ്യപ്പദർശനത്തിനായി എത്തുന്നത് കാട്ടുവിഭവങ്ങളുമായിട്ടാണ്. കാട്ടിലെ ദുരിതജീവിതവും, സങ്കടങ്ങളും അവർ കണ്ണി രോടെ അയ്യപ്പനോട് പറയും. കാണിക്കയായി അയ്യപ്പന്റെ മുമ്പിൽ കാട്ടുതേനും, കദളിക്കുലയും, കരിക്കും, കുന്തിരിക്കവും സമർപ്പിക്കും.

- എസ്.പി.ജെ

അഗസ്ത്യമലയോട് ചേർന്നുള്ള പാറ്റാംപാറ, കുന്നത്തേ രി, ചെറുമാക്കൽ, എറുമ്പിയാട്, ചോനമ്പാറ ഉൾപ്പെടെയുള്ള ഉൾവന ങ്ങളിൽ നിന്നും നൂറിലധികം അയ്യപ്പഭക്തരാണ് വർഷംതോറും അയ്യപ്പസവിധത്തിലെത്തുന്നത്.

തന്റെ ഉയരത്തിൽ അഹങ്കരിച്ചിരുന്ന വിന്ധ്യ പർവ്വതത്തിൽ അഹങ്കാരം ശമിപ്പിക്കാൻ സപ്തർഷികളിൽ ഒരാളായ അഗസ്ത്യമുനി തപസ്സനുഷ്ഠിച്ച ഇടമാണിത്. അഗസ്ത്യമു നിയുടെ ഇരിപ്പിടം കാണാൻ വർഷാവർഷം ഭക്തർ സാഹസികതയും, ഭക്തിയും സമന്വയിപ്പിച്ച് അവിടേക്ക് എത്തുന്നത്. പ്രകൃതിസൗന്ദര്യവും, ജൈവ വൈവിധ്യവും ഏറെയുള്ള സ്ഥലമാണ് അഗസ്ത്യാർകൂടം വനമേഖല. വിജനതയുടേയും, സാഹസികതയുടേയും വന്യസൗന്ദര്യത്തിലേയ്ക്കുള്ള അഗസ്ത്യാർകൂടയാത്ര ആരംഭിക്കുന്നത് മകരവിളക്ക് ദിനമാണ്. ശിവരാത്രി വരെ നീളുന്നതാണ് ഈ തീർത്ഥാടനം.