Haywind மற்றும் இலங்கை மின்சார சபை இணைந்து நாட்டின் மிகப்பெரிய தனியார் காற்றாலை

Hayleys Fentons நிறுவனத்தின் காற்றாலைப் பிரிவான HayWind, மன்னார் பகுதியில் 50MW திறன் கொண்ட காற்றாலை மின்னுற்பத்தி நிலையத்தை உருவாக்கவுள்ளது. இது இலங்கையின் மிகப்பெரிய தனியார் முதலீட்டு காற்றாலைத் திட்டமாகும். இந்த முக்கிய முன்னெடுப்பானது, HayWind போட்டிமிக்க விலைமனுக் கோரலில் வெற்றி பெற்றதைத் தொடர்ந்து, மே 28, 2025 அன்று மின் சக்தி மற்றும் வலுசக்தி அமைச்சில் இலங்கை மின்சார சபை (CEB) உடன் உத்தியோகபூர்வ மின்சார கொள் முதல் உடன்படிக்கை (PPA) கைச்சாத் திடும் நிகழ்வுடன் உச்சம் பெற்றது.

- 

இந்த ஒப்பந்தம் HayWind One Limited நிறுவனத்திற்கு மன்னார் பகுதியில் 50MW காற்றாலை அபிவிருத்தித் திட்டத்தை வழங்குவதை உறுதிப்படுத்துகிறது. குறிப்பிடத்தக்க வகையில், 1kWh அலகு மின் உற்பத்திக்கு அமெரிக்க டொலர் 4.65 சதம் எனும் மிகக் குறைந்த விலையில் இந்த திட்டம் அமுல்படுத்தப்படவுள்ளது. இது நிர்மாணித்தல், உரிமைப்படுத்தல், செயற்படுத்தல் (Build, Own, Operate BOO) முறைப்படி உருவாக்கப்படவுள்ளமை குறிப்பிடத்தக்கது.

இலங்கையின் புதுப்பிக்கத்தக்க வலுச்சக்திப் பயணத்தில் இது ஒரு முக்கியமான முன்னேற்றமாக கருதப்படுவதோடு, நாட்டிற்கு நீண்டகால சூழல் மற்றும் பொருளாதார நன்மைகளைக் கொண்டுவரும். இலங்கை வலுச்சக்தி அமைச்சின் செயலாளர் பேராசிரியர் K.T.M. உதயங்க ஹேமபால கருத்துத் தெரிவிக்கையில், “இந்தத் திட்டம் இலங்கையின் பசுமை வலுச்சக்தி எதிர்காலத்திற்கான, சரியான காலத்தில் அமைந்த, ஒரு முன்னோக்கிய முதலீடாகும். இது நாட்டின் புதுப்பிக்கத்தக்க வலுச்சக்தி இலக்குகளை அடைவதற்கும் நீண்டகாலத்திற்கான வலுச்சக்தி சுதந்திரத்தை அடைவதற்கும் தேவையான கூட்டு ஒத்துழைப்புகளுக்கான தேவையைப் பிரதிபலிக்கின்றது” எனக் குறிப்பிட்டார்.