"கிழக்கில் காணாமல் ஆக்கப்பட்டு புதைக்கப்பட்டோர் மனித புதை குழிகளையும் அகழ்வு செய்ய வேண்டும்"

வட மாகாணத்தில் செம்மணி புதைகுழியை அகழ்வது போன்று கிழக்கு மாகாணத்திலும் யுத்தம் இடம்பெற்ற காலத்தில் காணாமல் ஆக்கப்பட்டு புதைக்கப்பட்டவர்களின் மனிதப் புதைகுழிகளையும் அகழ்வு செய்ய வேண்டும் என அகில இலங்கை அரசாங்க பொது ஊழியர் சங்கத்தின் தலைவர் எஸ்.லோகநாதன் கோரிக்கை விடுத்துள்ளார்.

- பாண்டிருப்பு நிருபர்.

அகில இலங்கை அரசாங்க பொது ஊழியர் சங்கத்தின் உயர்பீடக் கூட்டம் கல்முனை தமிழர் கலாசார மண்டபத்தில் நேற்று ஞாயிற்றுக்கிழமை காலை இடம்பெற்றபோது இக் கூட்டத்தில் தலைமையுரையாற்றிய தொழிற்சங்கத் தலைவர் எஸ்.லோகநாதன் அங்கு மேலும் பேசுகையில்,

இலங்கையில் யுத்தம் இடம்பெற்ற காலத்தில் வலிந்து காணாமல் ஆக்கப்படுவதில் மல் ஆக்கப்பட்ட தமிழ் உறவுகளின் உறவினர்கள் தமது உறவுகளைத் தேடி கண்ணீருடன் பலவருட காலமாக குரல் எழுப்பியவண்ணமுள்ளனர். இவர்கள் தொடர்பில் அரசாங்கம் மௌனத்தை கலைத்து உரிய பதிலை வழங்க வேண்டும்.

அத்துடன் மிக நீண்ட காலமாக சிறைக்கூடங்களில் வாழும் அரசியல் கைதிகளுக்கு பொது மன்னிப்பளித்து விடுதலை வழங்க வேண்டும். தற்போதைய ஆட்சியாளர்களும் ஒரு காலத்தில் அரசியல் கைதிகளாக இருந்து சிறைவாசம் அனுபவித்தவர்கள் என்பதால் அவர்களும் இந்த வலியை உணர்ந்தவர்களாகும்.

இதேவேளை பொதுமக்களுக்கு உரித்தான காணிகளில் உள்ள படைமுகாம்களை அகற்றி அக்காணிகளை உரியவர்களிடம் ஒப்படைக்க வேண்டும். கடந்த காலத்தில் ஆட்சி செய்த ஜனாதிபதிகளும் அவர்களின் அரசாங்கங்களும் விட்ட தவறுகளை தேசிய மக்கள் சக்தி அரசாங்கம் செய்யமாட்டாதென்ற எமது நம்பிக்கை வீணாகக்கூடாது என்றார்.

காணாமல் ஆக்கப்படுவதில்(07 ஆம் பக்கத் தொடர்ச்சி...)