எசட்லைன் ஃபினான்ஸ் தனது 60 ஆவது கிளையை ஜா-எலவில் திறந்து சேவை விஸ்தரிப்பு

டேவிட் பீரிஸ் ஹோல்டிங்ஸின் நிதிச் சேவைகள் பிரிவான எசட்லைன் ஃபினான்ஸ் லிமிடெட் பிஎல்சி (AFL), தனது விரிவாக்க செயற்பாடுகளில் முக்கியமான மைல்கல்லை அண்மையில் கொண்டாடியது. தனது 60ஆவது கிளையை ஜா-எலவில் திறந்துள்ளது. இலங்கையின் மக்களுக்கு இலகுவாக பெற்றுக் கொள்ளக்கூடிய நிதிச் சேவைகளை வாடிக்கையாளர்களை மையப்படுத்தி வழங்கும் நிறுவனத்தின் அர்ப்பணிப்பை மேலும் உறுதி செய்யும் வகையில் இந்தப் புதிய கிளை திறந்து வைக்கப்பட்டுள்ளது.

- 

இந்த திறப்பு விழாவில் எசட்லைன் ஃபினான்ஸ் நிறுவனத்தின் பணிப்பாளர் மற்றும் பிரதம நிறைவேற்று அதிகாரி அஷான் நிசங்க, பிரதம செயற்பாட்டு அதிகாரி மஹேஷ் டி சில்வா, பிரதம சந்தைப்படுத்தல் அதிகாரி அஜந்த பிரேமசிறி, பிரதம வசூலிப்புகள் அதிகாரி ஷிரான் வீரசிங்க மற்றும் நாளிகை முகாமைத்துவ பொது முகாமையாளர் சங்க ஜயம்பதி ஆகியோருடன், நிறுவனத்தின் வாடிக்கையாளர்கள் மற்றும் நலன்விரும்பிகளும் கலந்து கொண்டனர்.