பெங்களூர் அணிக்கு ஒரு வருடத் தடை?

வலுக்கும் கோரிக்கைகள்.. குறி வைக்கும் பி.சி.சி.ஐ?

- 

பெங்களூர் அணியால் நடத்தப்பட்ட ரசிகர் சந்திப்பு நிகழ்ச்சியில் ஏற்பட்ட நெரிசல் காரணமாக 11 பேர் பலியாகினர். இந்த கொடூர சம்பவம்.. விபத்து என்பதை தாண்டி சிலரின் விளம்பர மோகத்திற்காக ஏற்பட்ட மரணமாக மாறி உள்ளது. அதாவது man made disaster. இந்த சம்பவம் நாடு முழுவதும் கடும் அதிருப்தி எழுந்துள்ளது. இந்த சம்பவத்திற்குப் பிறகு, ரசிகர்கள் மற்றும் விமர்சகர்கள் பெங்களூர் அணிக்கு ஒரு வருட தடை விதிக்க வேண்டும் என்று கோரிக்கை விடுத்துள்ளனர். அணியின் அலட்சியம் மற்றும் தவறான நிர்வாகமே இதற்குக் காரணம் என அவர்கள் குற்றம் சாட்டுகின்றனர்.

பெங்களூரில் ஆர்.சி.பி.அணி, ஐபிஎல் பயணத்தை கொண்டாடும் வகையில் ரசிகர் சந்திப்பு நிகழ்ச்சியை ஏற்பாடு செய்தது. இதில் லட்சக்கணக்கான ரசிகர்கள் கலந்து கொண்டனர். அவர்கள் தங்களுக்குப் பிடித்த வீரர்களைச் சந்தித்து உரையாடவும், பொருட்கள் வாங்கவும் ஏற்பாடுகள் செய்யப்பட்டிருந்தன. ஆனால், அங்கு போதுமான பாதுகாப்பு ஏற்பாடுகள், கூட்டத்தை ஒழுங்குபடுத்தும் வசதிகள் மற்றும் குடிநீர் போன்றஅடிப்படை வசதிகள்கூட இல்லை என்று கூறப்படுகிறது.