Gerber & Co verwerk wol self

Gerber & Co, 'n bekende modehandelsnaam onder Suid-Afrikaners wat goeie gehalte klere maak en verkoop, het ook 'n wolverwerkingsaanleg in die Paarl geopen, wat sowat 800 kg wol per uur verwerk.

- Jana Scheepers

Gerber & Co se wolverwerkingsaanleg in Vosmaastraat in die Paarl, wat die enigste sodanige aanleg in Suid-Afrika is.

Hierdie aanleg is Suid-Afrika se grootste wolverwerkingsaanleg en een van die grootstes ter wêreld, volgens Ryan Weideman, Gerber & Co se bemarkingshoof.

'N DIENS OP TUISBODEM

Volgens hom moes Suid-Afrika voorheen noodgedwonge die meeste van hul wol uitvoer sodat dit by oorsese wolverwerkingsaanlegte hoofsaaklik in China skoongemaak en verwerk kon word, waarna dit weer ten duurste ingevoer moes word omdat die land geen grootskaalse aanlegte besit het nie.

Nou het Suid-Afrikaanse boere immers die opsie om hul wol plaaslik te verwerk, waarna Gerber & Co die wol vir die boer kan teruggee om dit dan self te verkoop.

Wiedeman vergelyk dié diens met 'n klerewassery, waar boere hul skaapwol kan ingee om skoongemaak en verwerk te word, 'n fooi te betaal en dan weer terug te kry, maar sê ook in dieselfde asem dat dit nie ál model is wat die aanleg volg nie.

VERSKEIE GEBRUIKE