జననాయగన్ ను అడ్డుకోవటం దుర్మార్గం

సినిమాను అడ్డుకోవడం అంటే తమిళ సంస్కృతిపై దాడి చేసినట్టే కేంద్రం కావాలనే అడ్డుకుంటోందన్న రాహుల్ గాంధీ • తమిళుల గొంతు నొక్కలేరని హెచ్చరిక • హైకోర్టు తీర్పుపై సుప్రీంకు వెళ్లిన నిర్మాతలు

- 

న్యూఢిల్లీ : తమిళ అగ్రనటుడు, టీవీకే అధినేత విజయ్ చివరి సినిమాగా తెరకెక్కిన 'జననాయగన్ల విడుదల ఆగిపోవడంపై కాంగ్రెస్ అగ్రనేత రాహుల్ స్పందించారు.

'జననాయగన సినిమాకు సెన్సార్ సర్టిఫికెట్ ఇవ్వకుండా కేంద్ర ప్రభుత్వం అడ్డుకుంటోందన్నారు. ఈ మేరకు విజయ్ సినిమాకు ఆయన మద్దతు ప్రకటించారు.

'జననాయగన్లను అడ్డుకోవడం అంటే తమిళ సంస్కృతి మీదే దాడి చేయడమే అని స్పష్టం చేశారు. మంగళవారం విషయంపై కేంద్ర ప్రభుత్వంపై, ప్రధానమంత్రి నరేంద్ర మోదీపై ఎక్స్ వేదికగా విమర్శలు గుప్పించారు. తమిళుల గొంతును ఎవరూ నొక్కలేరని హెచ్చరించారు.

"కేంద్ర సమాచార, ప్రసార మంత్రిత్వ శాఖ తీరు సరిగా లేదు. 'జననాయగన్ల సినిమాను అడ్డుకోవడానికి వారు ప్రయత్నిస్తున్నారు. ఇది కచ్చితంగా తమిళ సంస్కృతిపై దాడి. మిస్టర్ మోదీ, మీరు తమిళ ప్రజల గొంతును అణచివేయలేరు. మీ ప్రయత్నాలు ఎప్పటికీ ఫలించవు" అని లోక్సభలో ప్రతిపక్ష నేత - రాహుల్ గాంధీ అన్నారు.