‘ગુંડાગીરી' નહીં, સન્માનની ભાષા જ સમજીએ છીએઃ મેક્રોંએ દાવોસમાં ટ્રમ્પને સંભળાવી દીધું

એવી દુનિયા ખતરતાક છે, જ્યાં આંતરરાષ્ટ્રીય કાયદાનું કોઈ મહત્ત્વ જ રહેતું નથી

- 

વારંવાર ટેરિફની ધમકી આપતાં અમેરિકાના રાષ્ટ્રપ્રમુખ ડોનાલ્ડ ટ્રમ્પને હવે આંતરરાષ્ટ્રીય મંચ પર જડબાતોડ જવાબ મળવા લાગ્યા છે. નોબેલ પ્રાઇઝ ન મળતાં ઘાંઘા થયેલા ટ્રમ્પના અણઘડ નિર્ણયોની દુનિયાભરમાં ટીકા થઈ રહી છે ત્યારે ફ્રાન્સના રાષ્ટ્રપતિ ઈમેન્યુઅલ મેક્રોંએ દાવોસમાં મંચ પરથી એવી તીખી વાત સંભળાવી દીધી છે, જેનાથી ટ્રમ્પ હચમચી ગયા છે.

અમેરિકન પ્રમુખ ડોનાલ્ડ ટ્રમ્પ અને ફ્રાન્સના રાષ્ટ્રપતિ ઈમેન્યુઅલ મેક્રોં વચ્ચેનો વિવાદ હવે ચરમસીમાએ પહોંચ્યો છે. સ્વિટ્ઝર્લેન્ડના દાવોસમાં વર્લ્ડ ઈકોનોમિક ફોરમ (WEF) ને સંબોધિત કરતા મેક્રોંએ ટ્રમ્પની ધમકીઓનો સણસણતો જવાબ આપ્યો છે. મેક્રોંએ સ્પષ્ટ કર્યું છે કે ફ્રાન્સ ધમકીઓ કે ગુંડાગીરી સામે ઝૂકશે નહીં, સન્માનથી જ વાત કરો અને આંતરરાષ્ટ્રીય કાયદાઓનું સન્માન કરો.