CBSEની કડક સૂચનાઃ પ્રેક્ટિકલ પરીક્ષાની આન્સર બુકમાં ડબલ સિક્યોરિટી ફીચર

પરીક્ષકોએ હવે માર્ક માટે ‘અંડરટેકિંગ' આપવું પડશે

- 

સેન્ટ્રલ બોર્ડ ઓફ સેકન્ડરી એજ્યુકેશન (સીબીએસઈ)ની ધોરણ-૧૦ અને ૧૨ની મુખ્ય જાહેર પ્રેક્ટિકલ પરીક્ષામાં કોઈ પણ પ્રકારની ભૂલ ન થાય તે માટે સીબીએસઈ બોર્ડે નવી સ્ટાન્ડર્ડ ઓપરેટિંગ પ્રોસિજર (એસઓપી) જાહેર કરી છે. કડક સૂચના અંતર્ગત પ્રેક્ટિકલ પરીક્ષાની આન્સર બુકમાં એક નવું ડબલ સિક્યોરિટી ફીચર ઉમેરવામાં આવ્યું છે. જે નવા ફીચરમાં પ્રેક્ટિકલ માર્ક્સ પોર્ટલ પર અપલોડ થાય તે પહેલાં જ ઇન્ટર્નલ અને એક્સટર્નલ એમ બંને પરીક્ષકોએ લેખિતમાં ‘અંડરટેકિંગ' આપીને માર્ક્સની સંપૂર્ણ ચોકસાઈની ખાતરી બોર્ડને આપવી પડશે. આ ઉપરાંત, માર્ક્સ જે દિવસે મૂલ્યાંકન કરવામાં આવે તે જ દિવસે પોર્ટલ પર અપલોડ કરવાનું પણ ફરજિયાત કરાયું છે.