ધો. ૧થી ૮માં એકમ કસોટી નહીં દર ત્રણ મહિને હોલિસ્ટિક એક્ઝામ લેવાશે

પહેલા સત્રમાં મૌખિક, પ્રવૃત્તિ, લેખિત આધાર પર વિધાર્થીઓનું મૂલ્યાંકન કરાશે, જ્યારે બીજા સત્રમાં ધો. ૧થી ૫માં ૬૦ માર્ક્સ અને ધો. ૬થી ૮માં ૮૦ માર્ક્સની પરીક્ષા લેવાશે

- 

અમદાવાદ સહિત રાજ્યભરની પ્રાઇમરી સ્કૂલોમાં હવે વિદ્યાર્થીઓને ભણાવવાની અને પરીક્ષા લેવાની પદ્ધતિમાં મોટો ફેરફાર થઈ રહ્યો છે, જેમાં હાલમાં ચાલતી એકમ ક્સોટી પદ્ધતિને રદ કરીને દર ત્રણ મહિને ૪૦ માર્ક્સની લેખિત કસોટી લેવામાં આવશે. પહેલા સત્રમાં મૌખિક, પ્રવૃત્તિ અને લેખિત આધાર પર વિદ્યાર્થીઓનું સર્જનાત્મક મૂલ્યાંકન કરાશે, જ્યારે બીજા સત્રમાં સત્રાંત પરીક્ષા દ્વારા સંપૂર્ણ અભ્યાસનું મૂલ્યાંકન એટલે કે ધો. ૧થી ૫માં ૬૦ માર્ક્સ અને ધો. ૬થી ૮માં ૮૦ માર્ક્સની પરીક્ષા લેવાશે.