સ્કૂલનાં વાહનો જ વિધાર્થીઓ માટે જોખમી રિક્ષા અને વાનમાં હકડેઠઠ ભરાતાં બાળકો

આરટીઓએ સઘન ચેકિંગ ચાલુ કર્યું: રિક્ષા-વાતમાં ખાલી જગ્યા જ બચતી ન હોવાના કારણે વિધાર્થીઓને ભારે પરેશાની

- 

રાજ્યભરમાં ઉનાળુ વેકેશન પૂર્ણ થયા બાદ શાળાઓ ફરી ધમધમતી થઈ છે અને નવું શૈક્ષણિક વર્ષ શરૂ થઈ ગયું છે. વેકેશન માણીને બાળકો શૈક્ષણિક કાર્યમાં ધીરે ધીરે સેટ થવા લાગ્યાં છે. વિદ્યાર્થીઓને ઘરેથી શાળાએ અને શાળાએથી ઘરે મૂકવા સ્કૂલ રિક્ષા, ટેક્સી અને બસ જેવાં વાહનો વાપરવામાં આવે છે ત્યારે વિદ્યાર્થીઓની સુરક્ષાને લઈ અમદાવાદ આરટીઓ દ્વારા સઘન ચેકિંગ હાથ ધરવામાં આવ્યું છે.

દર વર્ષે સ્કૂલે જવા માટે બાળકો અને વાલીઓને સંઘર્ષ કરવો પડે છે. ચોપડા, ફી અને યુનિફોર્મ કે સ્ટેશનરીમાં ભાવ વધારો નોંધાય છે, જે વાલીઓનાં ખિસ્સાંને આકરો પડે છે. આટલો ભાવ વધારો અને સાથે વેકેશનની રજાના પૈસા પણ ચૂકવવા છતાં હજુ પણ સ્કૂલનાં વાહનો જ વિદ્યાર્થીઓ માટે જોખમી બની રહ્યાં છે. હજુ પણ સ્કૂલ રિક્ષા અને વાનમાં બાળકોને હકડેઠઠ બેસાડાતાં હોવાની વાલીઓ ફરિયાદ કરી રહ્યા છે.