જુગારના અડ્ડા પર પોલીસનો સપાટો: ચકલી-પોપટ, તીનપત્તી સહિતનો જુગાર ઝડપાયો

પોલીસે ગોમતીપુર, ખોખરા અને બાપુનગરમાં રેડ કરી ૨૩ જુગારિયાને ઝડપી લીધા

- 

અમદાવાદના વિવિધ ખૂણે જુગારના અડ્ડાઓ ચાલી રહ્યા છે, જેમાં પોલીસ તેમજ એજન્સીઓ એક પછી એક રેડ કરતી હોય છે. ચકલી-પોપટ, તીનપત્તી, વરલી મટકા, યંત્ર સેલિંગ બિઝનેસ સહિતની વિવિધ રીતથી જુગાર રમાડાતો હોય છે. કેટલીક જગ્યાએ સ્થાનિક પોલીસની રહેમ નજર હેઠળ જુગાર રમાડાતો હતો, જેમાં એજન્સીઓ રેડ કરીને કાર્યવાહી કરતી હોય છે. ગઈ કાલે ગોમતીપુર વિસ્તારમાં ચકલી-પોપટની આડમાં રમાડાતો જુગારનો અડ્ડાનો પર્દાફાશ પ્રિવેન્શન ઓફ ક્રાઇમ બ્રાંચ (પીસીબી)એ કર્યો છે. પીસીબીએ ૧૩ જુગારિયાને ઝડપી લીધા છે. પોલીસે ત્રણ અલગ અલગ જગ્યામાં દરોડા પાડીને ૨૩થી વધુ જુગારિયાને ઝડપી લીધા છે.