மராட்டியத்தில் வன்முறை; 33 வாகனங்கள் எரிப்பு!

போலீசார் உள்பட 30 பேர் படுகாயம்; ஊடரங்கு உத்தரவு!!

- 

மராட்டிய மாநிலத்தில் மன்னர் சத்ரபதி சிவாஜியின் மகனான சம்பாஜியின் வாழ்க்கை வரலாற்றை சித்தரிக்கும் "சவ்வா" என்ற திரைப்படம் அண்மையில் வெளியாகி பேசுபொருளாக மாற்றியது. மராட்டிய சட்டமன்றக் கூட்டத்தொடரில் இது தொடர்பாக விவாதம் நடந்த போது, சமாஜ்வாடி கட்சி எம்.எல்.ஏ. அபு அசீம் ஆஸ்மி, முகலாய மன்னர் அவுரங்கசீப்பை வெகுவாக புகழ்ந்து பேசினார்.

அவுரங்கசீப் சிறந்த நிர்வாகி, வரலாற்றில் அவரைப் பற்றி தவறாக சித்தரித்துவிட்டனர் என்று பாராட்டியதோடு, "அவுரங்கசீப் புகழ் வாழ்க" என கோஷமிட்டார். அபு ஆஸ்மியின் சர்ச்சைக்குரிய கருத்துகள் மாநிலத்தில் பெரும் அதிர்வலையை ஏற்படுத்தியது.

அவர் நடப்பு சட்டசபைக் கூட்டத்தொடரில் இருந்து சஸ்பெண்ட் செய்யப்பட்டார்.

இந்த சம்பவத்தைத் தொடர்ந்து, முகலாய மன்னர்களிடமிருந்து மராட்டிய மாநிலத்தை மீட்ட சத்ரபதி சிவாஜியின் மகன் சம்பாஜியை கொன்றவர் அவுரங்கசீப்.

அவரது கல்லறையை மராட்டிய மண்ணில் இருந்து அகற்ற வேண்டும் என்று இந்துத்துவா அமைப்பினர் உட்பட பல்வேறு தரப்பினரும் கோரிக்கை விடுக்கத் தொடங்கினர். அவுரங்கசீப் கல்லறையை அகற்ற தானும் விரும்புவதாகவும், அது தொல்பொருள் ஆய்வு நிறுவனத்தின் கட்டுப்பாட்டில் இருப்பதால் சட்டச் சிக்கல் இருப்பதாகவும் மராட்டிய முதல்வர் தேவேந்திர பட்னாவிஸ் கூறினார்.