மதுரை முருக பக்தர்கள் மாநாடு: வாகனங்களுக்கு அனுமதிச் சீட்டு தேவையில்லை

உயர்நீதிமன்றம் உத்தரவு

- 

மதுரை, ஜூன் 20: மதுரை முருக பக்தர்கள் மாநாட்டுக்கு வரும் வாகனங்களை ஆவணப் பதிவுகளின் அடிப்படையில் அனுமதிக்கலாம் என்றும், வாகனங்களுக்கு அனுமதிச் சீட்டு பெறத் தேவையில்லை என்றும் சென்னை உயர் நீதிமன்ற மதுரை அமர்வு வெள்ளிக்கிழமை உத்தரவிட்டது.

மதுரையில் ஞாயிற்றுக்கிழமை (ஜூன் 22) இந்து முன்னணி சார்பில் முருக பக்தர்கள் மாநாடு நடைபெறுகிறது. இந்த மாநாட்டுக்கு பல்வேறு நிபந்தனைகளுடன் அனுமதி வழங்கி சென்னை உயர்நீதிமன்ற மதுரை அமர்வு தனி நீதிபதி ஏற்கெனவே உத்தரவிட்டார்.

இதையடுத்து, மாநாட்டுக்கு வரும் பக்தர்களின் வாகனங்களுக்கான அனுமதிச் சீட்டுக்கு மண்டலம் வாரியாக ஒதுக்கீடு செய்யப்பட்ட நிறம், கடைப்பிடிக்க வேண்டிய நடைமுறைகள் உள்ளிட்டவை குறித்து மதுரை மாநகரக் காவல் துறை சார்பில் அறிவிப்புகள் வெளியிடப்பட்டன.