'சாம்சங்' ஊழியர்களுக்கு ரூ.18,000 ஊதிய உயர்வு

முத்தரப்பு பேச்சில் உடன்பாடு

- 

சென்னை, மே 19: 'சாம்சங்' ஊழியர்களுக்கு மொத்தமாக ரூ. 18,000 ஊதிய உயர்வு வழங்க அந்த நிறுவனம் ஒப்புக்கொண்டுள்ளதாக தமிழக தொழிலாளர் நலத்துறை அமைச்சர் சி.வெ. கணேசன் அறிவித்தார்.

அதன்படி, நிகழ் நிதியாண்டில் (2025-26) ஒவ்வொரு தொழிலாளிக்கும் ரூ. 9 ஆயிரமும், அடுத்த இரு நிதியாண்டுகளில் (2026-27, 2027-28) தலா ரூ. 4,500-மும் மொத்தமாக வழங்க 'சாம்சங்' நிறுவனம் ஒப்புக் கொண்டுள்ளது.

சாம்சங் இந்தியா' தொழிலாளர்கள் சங்கம், 'சாம்சங்' நிறுவனம் மற்றும் தொழிலாளர் நலத்துறை ஆகியவற்றுக்கு இடையே திங்கள்கிழமை நடைபெற்ற முத்தரப்பு பேச்சுவார்த்தையின் நிறைவாக, ஊதிய உயர்வு தொடர்பான அம்சங்கள் இறுதி செய்யப்பட்டன. சுமார் 5 மணி நேரத்திற்கும் மேலாக நடைபெற்ற பேச்சுவார்த்தையின் முடிவுகள் குறித்து சென்னை தலைமைச் செயலகத்தில் செய்தியாளர்களுக்கு அமைச்சர் சி.வெ.கணேசன் அளித்த பேட்டி: