நியாயவிலைக் கடையில் மணிக்கணக்கில் காத்திருக்கும் மக்கள்

நியாயவிலைக் கடையில் பொருள்கள் வாங்குவதற்கு அமல்படுத்தப்பட்ட புதிய நடைமுறையால் பொருள்கள் வாங்க தினசரி பல மணி நேரம் மக்கள் வரிசையில் காத்திருக்க வேண்டிய நிலை ஏற்பட்டுள்ளது.

- 

கோவில்பட்டி, செப். 8:

நியாயவிலைக் கடைகளில் அரிசி, கோதுமை, சர்க்கரை உள்ளிட்ட பொருள்கள் எடை குறையாமல் வழங்க, கடந்த சில மாதங்களுக்கு முன்பு புதிய திட்டம் அமல்படுத்தப்பட்டது. இதன்படி, நியாயவிலைக் கடையில் எடையிடும் எலக்ட்ரானிக் தராசை, பில் பதிவு செய்யும் பிஓஎஸ் இயந்திரத்துடன் புளூடூத் மூலம் இணைத்து, பில் பதிவு செய்யப்பட்டு வருகிறது.

இப்படி செய்வதால், ஒரு கிராம் எடை குறைவாக இருந்தாலும், பில் பதிவு செய்ய முடியாது. இதன் மூலம் குடும்ப அட்டைதாரர்களுக்கு நியாயவிலைக் கடைகளில் சரியான எடையில் பொருள்கள் கிடைப்பதை உறுதிசெய்ய முடியும் என அரசு தரப்பில் தெரிவிக்கப்பட்டது. ஆனால், இந்தத் திட்டத்தின் மூலம் பல நடைமுறை சிக்கல்களை சந்தித்து வருவதாகக் கடை ஊழியர்கள் தெரிவிக்கின்றனர்.