முழுமையான காஷ்மீரே நமது இலக்கு!

சச்சின் பைலட் சிறப்புப் பேட்டி

- ம.ஆ. பரணிதரன்

ம.ஆ. பரணிதரன்

காங்கிரஸின் அடுத்த தலைமுறைத் தலைவர்களில் மிகவும் குறிப்பிடத்தக்கவர் சச்சின் பைலட். இந்திரா காந்தியால் அடையாளம் காணப்பட்டு, ராஜீவ் காந்தியால் தனது அமைச்சரவையில் முக்கியமான பொறுப்பு வழங்கப்பட்டவர் ராஜேஷ் பைலட். நரசிம்ம ராவ் அமைச்சரவையில் முக்கியமான உள்நாட்டுப் பாதுகாப்புத் துறை அமைச்சராக தந்தை ராஜேஷ் பைலட் இருந்தார் என்றால், மன்மோகன் சிங் அமைச்சரவையில் முக்கியமான பல பொறுப்புகள் வகித்தவர் அவரது மகனான சச்சின் பைலட்.

இரண்டு முறை ராஜஸ்தான் மாநில காங்கிரஸ் கட்சித் தலைவராக வெற்றிகரமாகத் தேர்தலை எதிர்கொண்ட இளைய தலைமுறை காங்கிரஸ் தலைவரான சச்சின் பைலட், வருங்காலத்தில் காங்கிரஸின் முக்கியமான ஒருவராக வலம் வருவார் என்று எதிர்பார்க்கப்படுகிறது. நேரு-காந்தி குடும்பத்துக்கு வெளியே காங்கிரஸ் தொண்டர்கள் மத்தியிலும், மக்கள் மத்தியிலும் செல்வாக்குப்பெற்ற தலைவர் என்று அறியப்படும் சச்சின் பைலட், பிரதேச ராணுவமாகக் கருதப்படும் 'டெரிட்டோரியல் ஆர்மி'யில் முக்கியப் பொறுப்பு வகித்தவர் என்பது கூடுதல் சிறப்பு.

பஹல்காம் பயங்கரவாதத் தாக்குதல், அதன் பிறகு பாகிஸ்தானுக்கு எதிராக மத்திய அரசு மேற்கொண்ட ஆபரேஷன் சிந்தூர் மற்றும் ராணுவ நடவடிக்கைகள் குறித்து சச்சின் பைலட் தினமணி யிடம் விரிவாகப் பேசினார். பாகிஸ்தானுடன் எல்லையைப் பகிரும் ராஜஸ்தான் மாநிலத்தின் துணை முதல்வராகவும் இருந்ததால் அவரது கருத்துக்கள் முக்கியத்துவம் பெறுகின்றன. அவரது நேர்காணலில் இருந்து...

பஹல்காம் தாக்குதலுக்குப் பிந்தைய இந்திய நடவடிக்கையை எப்படி பார்க்கிறீர்கள்?