பெங்களூரில் நெரிசல்: 11 பேர் உயிரிழப்பு

பெங்களூரில் புதன்கிழமை நடைபெற்ற ஐபிஎல் கிரிக்கெட் சாம்பியன் ராயல் சேலஞ்சர்ஸ் பெங்களூரு அணியின் வெற்றிக்கொண்டாட்டத்தின் போது கடும் கூட்ட நெரிசல் ஏற்பட்டது. இதில் 11 பேர் உயிரிழந்தனர். 47 பேர் காயமடைந்தனர்.

- 

பெங்களூரு, ஜூன் 4: பெங்களூரில் புதன்கிழமை நடைபெற்ற ஐபிஎல் கிரிக்கெட் சாம்பியன் ராயல் சேலஞ்சர்ஸ் பெங்களூரு அணியின் வெற்றிக்கொண்டாட்டத்தின் போது கடும் கூட்ட நெரிசல் ஏற்பட்டது. இதில் 11 பேர் உயிரிழந்தனர். 47 பேர் காயமடைந்தனர்.

குஜராத் மாநிலம் அகமதாபாதில் செவ்வாய்க்கிழமை நடைபெற்ற ஐபிஎல் கிரிக்கெட் போட்டியின் இறுதி ஆட்டத்தில் ராயல் சேலஞ்சர்ஸ் பெங்களூரு (ஆர்சிபி) அணி வெற்றி பெற்று 18 ஆண்டுகளுக்குப் பிறகு முதல்முறையாக சாம்பியன் கோப்பையை வென்றது.

இந்த வெற்றியைக் கொண்டாடுவதற்காக கர்நாடக அரசு, கர்நாடக மாநில கிரிக்கெட் சங்கம் ஆகியவை பெங்களூரில் புதன்கிழமை தனித்தனியே நிகழ்ச்சிகளை ஏற்பாடு செய்திருந்தன. அகமதாபாதில் இருந்து தனி விமானத்தில் பெங்களூரு வந்த ஆர்சிபி அணி வீரர்களுக்கு கர்நாடக அரசு சார்பில் உற்சாக வரவேற்பு அளிக்கப்பட்டது.