எரிபொருள் பயன்பாட்டில் சிக்கனம்

ஈரான் மீது இஸ்ரேல்- அமெரிக்கா நடத்தி வரும் போர் காரணமாக மேற்காசியப் பகுதிகளில் தொடர்ந்து பதற்றம் நிலவி வருகிறது.

- முனைவர் என். பத்ரி

இதனால், கச்சா எண்ணெய் உற்பத்தி மிகக் கடுமையாக பாதிக்கப்பட்டுள்ளது. எனவே, உலகின் பல நாடுகள் தங்களின் எரிபொருள் பயன்பாட்டில் பல கடுமையான கட்டுப்பாடுகளை அமல்படுத்தத் தொடங்கியுள்ளன.

பல ஆசிய நாடுகள் பொதுமக்களுக்கு பொதுப் போக்குவரத்து, மிதிவண்டிப் பயணம், வாகனப் பகிர்வு போன்ற பயண முறைகளை பரிந்துரை செய்துள்ளன. மியன்மரில் தனியார் வாகனங்கள் பதிவு எண்களின் ஒற்றை, இரட்டை முறையில் அடுத்தடுத்த நாள்களில் மட்டும் இயங்க அனுமதிக்கப்பட்டுள்ளன. மேலும், தென்னாப்பிரிக்காவின் பல மாகாணங்களில் பொதுமக்கள் அதிக அளவில் எரிபொருள் வாங்குவதில் ஒதுக்கீட்டு முறை அமல்படுத்தப்பட்டுள்ளது.

இந்திய மக்கள் தமது அன்றாட வாழ்வில் பெட்ரோலின் பயன்பாட்டைக் குறைக்க வேண்டும் என்று பிரதமர் மோடி கூறியுள்ளார். அவர் தனது பாதுகாப்பு வாகனங்களையும் 50 சதவீதமாக குறைத்துள்ளார். அவரின் பாதுகாப்பு நெறிமுறைகளில் குறைவான வாகனங்களே பயன்படுத்தப்படுகின்றன. பொதுமக்கள் மின்சார வாகனங்களைப் பயன்படுத்தவும், புதிய வாகனங்களை வாங்காமல் கையிருப்பு வாகனங்களையே பயன்படுத்தும்படியும் மேலும் அவர் வலியுறுத்தியுள்ளது குறிப்பிடத்தக்கது.