கலாநிதி மாறனுக்கு தயாநிதி மாறன் நோட்டீஸ்

முன்னாள் மத்திய அமைச்சரும் மக்களவை திமுக உறுப்பினருமான தயாநிதி மாறன், தனது சகோதரர் கலாநிதி மாறன், அவரது மனைவி காவேரி கலாநிதி உள்பட 8 பேருக்கு வழக்குரைஞர் மூலம் நோட்டீஸ் அனுப்பியுள்ளார்.

- 

சென்னை, ஜூன் 19:

ஜூன் 10-ஆம் தேதியிட்ட இந்த நோட்டீஸ், சென்னை சாந்தோமைச் சேர்ந்த வழக்குரைஞர் ஏ. சுரேஷ் மூலம் கலாநிதி மாறன், அவரது மனைவி காவேரி கலாநிதி, ரவி ராமமூர்த்தி, நடராஜன், சிவசுப்பிரமணியன், ஸ்ரீதர் சுவாமிநாதன், சுவாமிநாதன் சரத் குமார் ஆகியோருக்கு அனுப்பப்பட்டுள்ளது.

அதில், தனது சகோதரரும் சன் தொலைக்காட்சி குழும நிறுவனருமான கலாநிதி மாறன், ஊடகக் குழுமம், பிற இணைப்பு நிறுவனங்களில் பெரிய அளவிலான கார்ப்பரேட் மோசடியை திட்டமிட்டுச் செய்ததாகவும், மோசடியாக பங்குகளை மாற்றுதல், பணமோசடி செய்தல், குடும்பத்தில் உள்ள மற்ற சட்டபூர்வ வாரிசுகளுக்கு அவர்களின் சொத்துகளின் உரிமையான பங்கை மறுத்ததாகவும் தயாநிதி மாறன் குற்றஞ்சாட்டியுள்ளார்.