எத்திசையும் புகழ் மணக்க...

இந்தியாவின் சிறந்த முதல்வர் என்று பாராட்டப்பட்டபோது, "எனக்குப் புகழோ, பாராட்டோ தேவையில்லை; தமிழ்நாடு இந்தியாவின் முதல் மாநிலம் எனப் புகழப்படுவதையே விரும்புகிறேன்; அதுவே எனது ஆசை" என்று கூறி பாடுபட்டு அந்த இலக்கை இன்று அடைந்து புகழின் உச்சத்தைத் தொட்டுள்ளார் முதல்வர் மு.க.ஸ்டாலின். திமுக அரசு ஐந்தாம் ஆண்டு தொடங்கும் நிலையில், அவரது புகழ் உலகெங்கும் எதிரொலிப்பதைக் காண முடிகிறது.

- 

திராவிட மாடல் அரசு மகத்தான சாதனைகளைப் புரிந்துள்ளது. தொலைநோக்குச் சிந்தனைகளுடன் முதல்வர் திட்டமிட்டு வகுத்து நடைமுறைப்படுத்தி வரும் காலை உணவுத் திட்டம், இல்லம் தேடி மருத்துவம் உள்ளிட்டவற்றை நாடு கடந்து வெளிநாடுகளிலும், ஐ.நா. மன்றத்திலும் பாராட்டி வரவேற்கப்படுகின்றன.

இதுவரை எந்த முதல்வரும் பாராட்டுகள் பெற்றிராத வகையில், திசைதிருவும் மக்கள் போற்றி புகழ்கின்றனர்.

முதல்வர் மு.க.ஸ்டாலின் ஆட்சிப் பொறுப்பேற்ற காலத்தில் அச்சுறுத்திய கரோனா, அடுத்தடுத்து நிகழ்ந்த புயல், மழை வெள்ளக் கொடுமைகள், கரம் கொடுத்து உதவ வேண்டிய மத்திய அரசின் பாராமுகம், அளிக்க வேண்டிய நிதியையும் அளிக்க முடியாது என நாடாளுமன்றத்திலேயே கூறிய பிடிவாதம்... என்பவற்றையெல்லாம் கடந்து தமிழர்களை அனைத்து வகையிலும் காத்து, 'எல்லாருக்கும் எல்லாம்' என்பதைத் தத்துவமாகவே வடித்துத் திட்டங்களை திமுக அரசு செயல்படுத்தி வருகிறது. இதனால், தமிழ்நாடு இந்தியாவிலேயே முதல் மாநிலமாக உயர்ந்துள்ளது.

திராவிட மாடல் அரசின் நிர்வாகத் திறனைப் பாராட்டி, மத்திய அரசும், பல்வேறு நிறுவனங்களும் பல விருதுகளை வழங்கியுள்ளன.

முதல்வர் சிறந்த நிர்வாக ஆளுமை மிகுந்தவர் எனப் பலரும் மகுடம் சூட்டுகின்றனர். பெண்கள், மாணவர்கள், தொழிலாளர்கள், தொழில் முகவர்கள் என்று தமிழ்நாட்டின் அனைத்துத் தரப்பு மக்களும் பாராட்டுகின்றனர். பத்திரிகைகள் பாராட்டுகின்றன; ஊடகங்கள் போற்றுகின்றன. பிற மாநில அரசுகள் பாராட்டுகின்றன. நீதிமன்றங்கள் பாராட்டுகின்றன.

இவையெல்லாம் தமிழ்நாட்டுக்கும் தமிழர்களுக்கும் பெருமையையும், பெருமிதத்தையும் ஏற்படுத்தும்.

மத்திய அரசு வழங்கிய விருதுகளின் பாராட்டுப் பட்டியலில் சில:

சென்னை எழும்பூரில் அமைந்துள்ள மாநில காவல் கட்டுப்பாட்டு அறைக்கு பிரிட்டிஷ் ஸ்டேன்டட் இன்ஸ்டியூ ரஷன் 2021 நவம்பர் 3-இல் வழங்கிய ஐ.எஸ்.ஓ. 270001: 2013 சர்வதேசத் தரச் சான்றிதழ் விருது.