சேலத்துக்காரரின் ரெண்டு சம்பவம் டெல்லிக்கு திடீர் சந்தேகத்தை ஏற்படுத்தி இருப்பது பற்றி சொல்கிறார் wiki யானந்தா

“மீண்டும் மலராத கட்சியுடன் கூட்டணி என பலாப்பழக்காரர் அறிவித்தால் மன்னர் மாவட்ட செயலாளர்கள் மாற்றுக்கட்சிக்குத் தாவுவதற்கு ரெடியா இருக்காங்களாமே.." என்றபடி வந்தார் பீட்டர் மாமா.

- 

“இலைக்கட்சியில் ஒற்றைத் தலைமை பிரச்னை வெடித்த பிறகு மன்னர் மாவட்டத்தில் பலாப்பழக்காரர் தரப்புக்குப் பெரிய ஆதரவு இல்லாமல் போய்விட்டது. முன்னாள் நகர்மன்றத் தலைவர் மட்டும் அவருக்கு ஆதரவு தெரிவித்து மாவட்டச் செயலாளர் பதவியும் பெற்றுக்கொண்டாராம். அதுவும் இலைக்கட்சியை பலாப்பழக்காரர் எப்படியும் கைப்பற்றிவிடுவார். அப்போது நமக்கு நல்ல முக்கியத்துவம் கிடைக்கும் என நம்பி முடிவெடுத்தேன் என்று பலமுறை தனது சகாக்களிடம் அவர் தெரிவித்தாராம். இதேபோல், தெற்கு மாவட்டத்திற்கு முன்னாள் எம்.எல்.ஏ. ஒருவர் செயலாளராக இருக்கிறாராம். இந்நிலையில் சமீபத்தில் பலாப்பழக்காரர் தரப்பில் நடந்த மாவட்டச் செயலாளர்கள் கூட்டத்தில் எந்த நம்பிக்கையும் கொடுக்கவில்லையாம். மலராத கட்சிக் கூட்டணியை விட்டு வெளியேறுவதாக அறிவித்தாங்க. தற்போது, பலாப்பழக்காரரிடம் மலராத கட்சி மீண்டும் பேச்சுவார்த்தை நடத்துவதாகச் செய்திகள் வெளிவருது. அப்படி மீண்டும் மலராத கட்சியுடன் பலாப்பழக்காரர் கூட்டணி எனச் சென்றால் நமக்கு மரியாதை இருக்காது. இதனால் கண்டிப்பாக நாம் கட்சியை விட்டு வெளியேறி, மாற்றுக்கட்சிக்குச் சென்றுவிடலாம் என முடிவு செய்துள்ளார்களாம்” என்றார் விக்கியானந்தா.

“நாற்காலி பறக்கும் சம்பவம் நடக்கும் என்ற கிசுகிசுவால் கதர் கட்சியின் மாநிலத் தலைவர் யூத் கமிட்டிக் கூட்டத்தைப் புறக்கணித்து லாவகமாகப் பறந்து சென்ற கதை தெரியுமா.." எனக் கேட்டார் பீட்டர் மாமா.