ஜெயலலிதா இசை பல்கலை மானிய நிதி ரூ.5 கோடியாக உயர்வு இசை கல்லூரி மாணவர்களுக்கும் நான் முதல்வன் திட்டப்பயன்கள்

பட்டமளிப்பு விழாவில் முதல்வர் மு.க.ஸ்டாலின் அறிவிப்பு

- 

கலைவாணர் அரங்கில் நடந்த ஜெயலலிதா இசை மற்றும் கவின் கலை பல்கலைக்கழக பட்டமளிப்பு விழாவில், நடிகர் சிவகுமாருக்கு மதிப்புறு முனைவர் பட்டத்தை முதல்வரும், பல்கலைக்கழக வேந்தருமான மு.க.ஸ்டாலின் வழங்கினார். அருகில், அமைச்சர் சாமி நாதன், சுற்றுலா, பண்பாடு துறை செயலாளர் மணிவாசன், பண்பாட்டு துறை இயக்குநர் வளர்மதி, பல்கலை துணை வேந்தர் சவுமியா.

இசை கல்லூரி மாணவர்களுக்கும் இனி ‘நான் முதல்வன்' திட்டப் பயன்கள் வழங்கப்படும். தமிழ்நாடு டாக்டர் ஜெ. ஜெயலலிதா இசை மற்றும் கவின் கலை பல்கலைக்கழக மானிய நிதி ரூ.5 கோடியாக உயர்த்தப்படும் என பட்டமளிப்பு விழாவில் முதல்வர் மு.க.ஸ்டாலின் அறிவித்தார்.

தமிழ்நாடு டாக்டர் ஜெ. ஜெயலலிதா இசை மற்றும் கவின்கலை பல்கலைக்கழகத்தின் 3வது பட்டமளிப்பு விழா சென்னை கலைவாணர் அரங்கில் நேற்று நடந்தது. பல்கலைக்கழகத்தின் வேந்தரும் தமிழக முதல்வருமான மு.க. ஸ்டாலின் விழாவுக்கு தலைமை வகித்து 1,372 பேருக்கு பட்டங்களை வழங்கினார். கலைத்துறையில் ஆற்றிய பங்களிப்பை பாராட்டி அரசு கவின்கலைகல்லூரி முன்னாள் முதல்வரும், மூத்த ஓவியருமான சந்துரு, நடிகர் சிவக்குமார் ஆகியோருக்கு கவுரவ டாக்டர் பட்டத்தை முதல்வர் ஸ்டாலின் வழங்கினார். மேலும் 10 பேர் முதல்வரிடமிருந்து பிஎச்டி பட்டத்தை பெற்றுக்கொண்டனர்.

தொடர்ந்து பட்டமளிப்பு விழாவில் உரையாற்றிய முதல்வர் மு.க.ஸ்டாலின் பேசியதாவது: