SEUN STERF IN SY MA SE ARMS

DIE skietdood van 'n jongman op De Doorns het die gemeenskap daar onkant betrap én geruk.

- CARRINGTON SWARTS

Ian Hendriks (20) is op 12 November in Orchard, Sunnyside, by 'n winkel geskiet. 'n Familielid wat anoniem wil bly uit vrees, het vertel wat die betrokke dag gebeur het.

Volgens die familielid het Hendriks die aand huis toe gegaan, van waar hy altyd gesit het. Hy het vir hom 'n top gaan aantrek.

"Terwyl hy by die hek uit is, het my seuntjie agter hom aan gehuil. Ek het na hom geroep en gesê hy moet die kind optel, terwyl ek besig was om skottelgoed te was."

Klappers

Hendriks het toe die kind se hande gevat en duime gewys en verder geloop.

Volgens die familielid was hy nog nie eens vyf minute weg nie, toe begin skote klap, wat soos klappers geklink het.