JUNIOR HET SY KIDS BESKERM

JUNIOR KING (gebore Dugulth Ferreira) het vir sy kinders geleef en dis ook hoe hy dood is.

- 

Die jong pappa het sy liggaam as menslike skild gebruik om sy kinders vir oulaas te beskerm teen die impak van die ongeluk.

Albei kinders wat saam met hom in die ongeluk betrokke was, het die ongeluk oorleef.

Sy dogtertjie is steeds gehospitaaliseer met twee gebreekte bene en gebreekte ribbes. Die kind weet nog nie haar pa is dood nie.

Son het verlede Donderdag berig King is oorlede nadat hy en vier ander in 'n botsing op die N1 naby Verkeerdevlei in die Vrystaat betrokke was. King is op die toneel dood verklaar nadat twee voertuie, 'n vragmotor en 'n Polo, op die N1 kop aan kop gebots het.