BEUKES ... IS EVERGREEN

RICARDO Beukes het sy naam weer met goud in die geskiedenis van Suidwestelike Distrikte-klubrugby geskryf toe hy Evergreens tot die 2025-SWD Superliga-titel gelei het.

- MARK WARD

Dit is sy vierde liga-titel sedert hy sy coaching-loopbaan in 2002 begin het, toe Evergreens Heidelberg 20-19 in die final op Outeniquapark in George geklop het.

Dit is egter sy eerste sukses met die klub vir wie hy tot op die ouderdom van 27 jaar as losvoorspeler in sy geboorte dorp, Pacaltsdorp, gespeel het.

"Ek het my debuut vir Evergreens se eerste span in die Sacos-dae as'n 17-jarige laitie in standerd 9 gemaak.

"In daai tyd speel jy nog in die oggend vir jou skool en namiddae vir jou klub.

"Ek het Suid-Kaap-skole, SWD o. 21 en o. 23, asook vir die SWD-Bontebokke gespeel,” vertel hy met 'n vonkel in sy oë.

Maar hy kan dalk ná net 'n seisoen as head coach vir die klub, verlore wees.