KIND STERF BY CRÈCHE

ENIGE ma se ergste vrees wanneer sy moet teruggaan werk toe ná 'n kind se geboorte is dat haar kind iets by die huis of kleuterskool sal oorkom wanneer sy nie daar is. Dis presies wat met Carin Cornelius (23) van Eureka Estate in Elsiesrivier gebeur het. Haar ergste vrees is bewaar-

- CHRISLYNN SIAS-LOUW

heid toe haar seuntjie ('n jaar en twee maande oud) op 8 September sonder 'n verklaarbare rede by die crèche dood is. Hy was skaars twee volle weke by dié skooltjie.

Carin vertel haar kind was die oggend van 8 September nog perdfris en gesond.

was toe sy op 8 September net ná 16:00 'n oproep kry van hulle plaaslike daghospitaal dat sy gou moet kom, want daar is 'n noodgeval met haar seuntjie, Kayron.

Sonder om slange te hang het Cornelius en 'n vriendin 'n Uber geboek hospitaal toe.

Carin vertel: “Ek sê nog vir my vriendin op pad hospitaal toe 'jinne, ek hoop nie die kind het seergekry nie'. Met ons aankoms het ek onmiddellik na hom begin soek.

Dokter

"Ek het hom nie gekry nie en terwyl ek verward daar rondgestaan het, kom 'n dokter na my, vat my eenkant toe en sê my kind het dit nie gemaak nie. Dit was klaar te laat, hy was dead on arrival.”