ATLANTIS LFA HET 'GROOT TOEKOMS'

SOKKER in Atlantis het 'n nuwe gesig ... 'n nuwe stem, 'n nuwe man wat ná dekades die septer swaai.

- SPORTREDAKSIE

Maar Ashley de Vos, nuwe president van die Atlantis LFA, weet daar wag 'n opdraande stryd op hom, want hy sal altyd gemeet word aan die werk wat sy voorganger, die immergroen Claude Brown, gedoen het.

Brown het dié seisoen finaal halt geroep aan sy heerskappye in Atlantis, maar is steeds lid van dié LFA se uitvoerende bestuur.

De Vos is self nie 'n groentjie in sokker nie en is nou al 25 jaar by dié sportsoort betrokke. Hy sal dus weet van al die uitdagings wat gepaardgaan met dié amp wat hy nou beklee.

Die gebore Beaufort-Wesser trap nou al lank diep spore in Atlantis nadat hy daar laerén hoërskool geloop het.

En volgens De Vos is Atlantis nou die plek waar hy sy passie vir sokker kan uitleef.

"Dit is 'n plek met 'n dinamiese gemeenskap en ontwikkelende sportkultuur. En Atlantis LFA speel 'n kritieke rol in die ontwikkeling van sokker in die gemeenskap."